АБНА24 Хәбәр Верир, гондарма режиминин галыгларынын "мүстәгиллик ҝүнү"нү гејд етмәк үчүн һеч бир Ермәнистан һөкумәтинин үзвү Гарабаға ҝетмәсә дә, Ермәнистан рәсмиләри вә мүхалифәт нүмајәндәләри тәхрибатчы бәјанатларла чыхыш едибләр.
Баш назир Никол Пашинјанын јајдығы бәјанатда дејилир: “Артсах бу ҝүн јаралы олса да, бүтүн Ермәнистан вә ермәниләрин һимајәси алтындадыр. Артсах халгынын өз мүгәддәратыны тәјин етмәси бизим үчүн мүгәддәсдир вә ҝүҹ тәтбиг етмәклә бу һаггы онун әлиндән алмаг мүмкүн дејил. Буна ҝөрәдир ки, биз бүтүн бејнәлхалг платформаларда Гарабағ мүнагишәсинин һәлл олунмадығыны исрар едирик.”
Ермәнистан президенти Армен Саркисјан исә билдириб: “Бизим тарихимиздә Артсах вә онун халгы һәмишә дүнја ермәниләри үчүн хүсуси јерә малик олуб. Гарабағ мәсәләсиндә һеч заман сәһвә јол вермәјә һаггымыз јохдур.”
Армениан Репорт порталынын вердији хәбәрә ҝөрә, Ермәнистан Милли Мәҹлисинин сәдри Ален Симонјанын бәјанаты даһа сәрт олуб. О дејиб: “Мүстәгиллик гәһрәманларымызын ганы һесабына әлдә олунуб. Артсах мөһкәм дураҹаг вә мүстәгил галаҹагдыр.”
Ермәнистанын сабиг президентләри Роберт Кочарјан вә Сер Саркисјан да ајры-ајрылыгда гондарма режимин мүстәгиллијини гәти мәсәлә адландырыблар.
Бу арада Ирәвандан дахил олан мәлуматда дејилир ки, баш назир Никол Пашинјанын Гарабаға нијә ҝетмәдијини сорушдугда, һөкумәт апаратынын мәтбуат хидмәти гысаҹа ҹаваб вериб: баш назир 31 августдан бәри үч ҝүнлүк мәзунијјәтдәдир.
Бунунла белә һөкумәт иҹласындан сонра јүксәк технолоҝијалы сәнаје назири Ваһагн Хачатрјан Пашинјан Гарабаға ҝетмәмәк гәрарынын сијаси олдуғуну билдириб.
Гејд едәк ки, 44 ҝүнлүк мүһарибәдә мәғлубијјәтдән сонра Пашинјанын Гарабағда олмајыб.
"Шәрәфим вар" фраксијасынын үзвү Тигран Абрамјанын фикринҹә исә, Гарабағда Ермәнистанын јүксәк вәзифәли рәсмиләринин олмамасы "һакимијјәтин Азәрбајҹанын диктә етдији ојун гајдаларыны гәбул етмәси" демәкдир.
342/
4 sentyabr 2021 - 16:39
Xəbər kodu: 1176658
Ирәван Гарабағ ермәниләринин мүстәгиллијини мүдафиә етмәклә Азәрбајҹанын истәјинә зидд мөвге нүмајиш етдирмишләр.
