АБНА24 Хәбәр Верир, сентјабрын 2-дә Ханкәндидә сепаратчылар гондарма “мүстәгиллик ҝүнү”нүн 30 иллијини гејд етмәјә һазырлашырлар. Белә ки, 1991-ҹи илин 2 сентјабр тарихиндә Гарабағдакы ермәни сепаратчылар референдум кечирәрәк, Азәрбајҹандан ајрылмагла бағлы гәрар гәбул едибләр.
Мәлуматда дејилир ки, 2 сентјабр әрәфәсиндә сепаратчыларын “парламент сәдри” Артур Товмасјан Ирәванда Ермәнистан парламентин спикери илә ҝөрүшүб, ону вә парламентиндәки бүтүн фраксија рәһбәрләрини гондарма мүстәгиллик ҝүнүнә дәвәт едиб.
Мәсәләјә мүнасибәт билдирән сабиг хариҹи ишләр назири Тофиг Зүлфүгаров Ахар.аз порталына дејиб ки, Азәрбајҹан тәрәфи сентјабрын 2-дә сепаратчы режимин гондарма мүстәгиллик ҝүнүнү гејд етмәк истәјәнләрлә бағлы ҹидди аддым атмалыдыр. Хүсусилә бу мәсәләдә Русија сүлһмәрамлыларына ҹидди хәбәрдарлыг едилмәлидир. Зира белә бир ҝүнүн “гејд едилмәси” һәм 10 нојабр бәјанатынын кобуд шәкилдә позулмасы, һәм дә Русија сүлһмәрамлыларынын вәзифә сәлаһијјәтләрини јеринә јетирмәмәси демәкдир.
Азәрбајҹанын сабиг баш дипломаты вурғулајыб ки, Азәрбајҹан Русија сүлһмәрамлылары илә бирликдә Лачын дәһлизинә нәзарәти һәјата кечирмәлидир. Гарабаға һеч бир хариҹи өлкә вәтәндашы ганунсуз кечә билмәз. Ермәнистан вәтәндашлары да хариҹи өлкә вәтәндашы сајылыр вә ејни гајдада онлар да Гарабаға рәсми Бакынын иҹазәси олмадан бурахылмамалыдыр.
342/
29 avqust 2021 - 17:55
Xəbər kodu: 1174598
Ермәни сепаратчыларынын Гарабағда “мүстәгиллик ҝүнү”нү гејд етмәјә һазырлашмасы Азәрбајҹан сијасәтчиләрини гәзәбләндириб.
