АБНА24 Хәбәр Верир, Сәид Хәтибзадә бу ҝүн сәһәр саатларында журналистләрлә кечирдији мәтбуат конфрансында ҝүндәмдәки мәсәләләрә тохунараг, дејиб: "Кечән һәфтә ҝәми илә бағлы бәзи иддиалар фонунда Инҝилтәрәнин Теһрансдакы мүвәггәти ишләр вәкилини вә Румынијанын сәфирини Хариҹ Ишләр Назирлијинә чағырдыг. Һәмчинин Иран президентинин андичмә мәрасими илә әлагәдар, дипломатик мүнасибәтләр бахымындан ҝәрҝин бир һәфтәни архада гојдуг, белә ки, дөвләт башчылары, парламент сәдрләри вә хариҹи ишләр назирләри сәвијјәсиндә нүмајәндә һејәтләри Ирана сәфәр етдиләр".
Хәтибзадә Авропа рәсмиләринин һәдәфә алынмыш ҝәми илә бағлы иддиалары һагда суалын ҹавабында гејд едиб ки, Инҝилтәрә хариҹи ишләр назиринин Иран халгы илә бағлы дедикләри јени дејил, бу әслиндә сон илләрдә Инҝилтәрә рәсмиләринин Ирана гаршы мәсулијјәтсиз бәјанатларынын бир һиссәсидир. Иран да бејнәлхалг суларда ҝәмиләрин тәһлүкәсизлијиндән нараһатдыр. Бу Инҝилтәрәнин бир нечә ил әввәл етдији ејни позунтудур, һансы ки, о гулдурлуг уғурсуз олду вә танкерин сәрбәст бурахылмасы илә нәтиҹәләнди".
Фарс Көрфәзинин тәһлүкәсизлијинин Иранын гырмызы хәтти олдуғуну бәјан едән Хәтипзадә әлавә едиб: "Бу су јолуну Инҝилтәрә кими өлкәләрин јаратдығы етибарсызлыглардан горумаға чалышырыг, Инҝилтәрәнин бәднам Исраил һөкумәтини мүшајиәт етмәси онларын мөвгејини ҝөстәрир. Бу һадисәнин ики гурбанынын аиләсинә башсағлығы вермәји лазым билирәм, амма бу ссенариләр онларын көһнә хисләтләриндән гајнагланыр".
Сәид Хәтибзадә мәтбуат конфрансынын давамында Бәһрејн һөкумәти илә сионист режим арасында Ирана гаршы әмәкдашлыг һаггында разылашманын әлдә едилмәси илә бағлы хәбәрләрин јајылмасы барәдә суалын ҹавабында дејиб: "Гүдсү ишғал едән режим, бөлҝәдә вә дүнјада онилликләрдир давам едән әмин-амансызлығын, террорун вә зоракылығын көкүндә дајаныр. Бу режим, бејнәлхалг гурулушда гејри-леҝитим вә рүсвајчы бир режимин символу олмушдур вә бу рүсвајчылыг вә әмин-амансызлыг нәинки, јанлыш һесабламаларла сионист режимә јахынлашмаг истәјән бүтүн өлкәләрын јахасыны тутаҹаг, һәм дә өзләрини дүнја вә реҝионда бир террор вә етибарсызлыг мәнбәји кими танытдыраҹаглар".
342/
9 avqust 2021 - 20:16
Xəbər kodu: 1168135
Иранын Хариҹи Ишләр Назирлијинин мәтбуат катиби Фарс Көрфәзинин тәһлүкәсизлијинин Иранын гырмызы хәтти олдуғуну бәјан едәрәк, дејиб: "Инҝилтәрә хариҹи ишләр назиринин Иран халгы илә бағлы дедикләри јени дејил, бу әслиндә сон илләрдә Инҝилтәрә рәсмиләринин Ирана гаршы мәсулијјәтсиз бәјанатларынын бир һиссәсидир".
