АБНА24 Хәбәр Верир, Бајден ҹүмә ҝүнү, Ағ Ев-дә иштирак едән мүхбирләрә, чәршәнбә ҝүнү Ҹеневрәдә кечирилән бу раунд барәдә дејиб ки; биз, мәним үмидвар олдуғум бир просесдәјик.
Бунунла белә, Бајден бу һагда артыг тәфәррүат вермәкдән чәкинибдир.
Америка илә Русија арасындакы үз-үзә стратежи мүзакирәләрин илк раунду Исвечрәнин Ҹеневрә шәһәриндә кечирилиб.
АБШ Дөвләт Департаменти бир бәјанатда бу барәдә билдириб ки, һәмин раундда американ вә рус мүзакирә һејәтләри тәһлүкәсизлк шәраити вә нүвә силаһларына нәзарәт әтрафында јеини бир мүаһидәнин јарадылмасынын перспективләри һагда бәһс вә мәшвәрәт едибләр.
АБШ Дөвләт Департаменти өз бәјанатында һәмчинин бу мүзакирәләри пешәкар вә принсипиал данышыглар адландырыб.
Америка илә Русија арасындакы мүзакирәләр, ики өлкә президентләринин ијулун алтысында Исвечрәдә әлдә етдикләри разылашмадан сонра башланыбдыр.
Русија хариҹи ишләр назиринин мүавини Серҝеј Рјабков рус мүзакирә һејәтинә, АБШ дөвләт катибинин әвәзедиҹиси Венди Шерман исә американ мүзакирә һејәтинә башчылыг едибләр.
Америка илә Русија арасында «стратежи сабитлик мүзакирәләри» адланан бу мүзакирәләр давам етмәлидир.
342/
31 iyul 2021 - 16:13
Xəbər kodu: 1165226
Америка президенти Ҹо Бајден Москва илә Вашингтон арасында кечирилән стратежи мүзакирәләрин биринҹи раунду һагда никбинлик ифадә едиб.
