Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Сурија Президенти Бәшшар Әсәд, Суријанын јени президентлијинин андичмә мәрасиминдә вурғулајыб: “Суријадакы сон президент сечкиләриндәки халгын ҝениш иштиракы, һәр бир сијаси системин леҝитимлијини халгын дәстәјиндән алдығыны сүбут етди.”
О, Сурија Президент Апаратынын Гәср әш-Шааб олараг билинән гәрарҝаһында едилән бир данышмада дејиб: “Дүшмән, Суријаја гаршы сон "прокси"- васитәчилик мүһарибәсиндә хариҹдән ҝәтирилән террор групларына үмүд бағламышдыр, лакин мәғлуб олду.”
Сурија президенти әлавә олараг дејиб: "Дүшмән Сурија халгыны ајлыг пул алан муздлулара чевирә биләҹәјини дүшүнүрдү, лакин халгын сајыглығы, һөкумәтлә һәмрәјлији вә милли бирлик дүшмәнин бүтүн планларыны алт-үст едән ајсбергин зирвәси иди."
Бәшшар Әсәд сөзүнүн давамында дејиб: "Сурија милли бирлик, ләјагәт вә нүфуз сајәсиндә дирәниш ҝәтирди, биз милли кимлијә ҝүвәнәрәк мөһкәм дајанан бир милләтик.”
Чыхышына давам едән Сурија президенти, бәзи инсанлары дүшмәнин әлиндә аләт олмагларыны гәбул етдикләринә ҝөрә кәскин шәкилдә гынајараг дејиб: "Халгын сајыглығы илә дүшмәнин Сурија конститусијасыны дәјишдирмәк планы ифласа уғрады."
Гејд едәк ки, өтән ијун ајында Сурија халгы сечки мәнтәгәләриндә бөјүк бир иштирак етди вә Бәшшар Әсәд јүздә 95 сәс топлајараг дөрдүнҹү дөвр үчүн президент сечилди.
Диггәт: Хәбәрдән Истифадә Етдикдә Мәнбәјә Истинад Лазымдыр!
