Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Инҝилтәрә парламенти тәрәфиндән Әдлијјә Назирлијинин тәгдим етдији өлкәнин милли символларына едилән һүҹумлара ҝөрә даһа сәрт ҹәзаландырылмаја даир јени бир ганун лајиһәсинин мүзакирәси заманы депутат Наз Шаһ “Ислам вә Мәһәммәд Пејғәмбәри (сәлләллаһу әлејһи вә алиһ)” тәһгир етмәк мәсәләсини галдырыб.
“Әл-Ҹәзирә” телеканалынын јајымладығы репортажда Лејбористләр Партијасынын мүсәлман тәмсилчиси чыхышы заманы дини һиссләрин дә горунан символлар категоријасына дахил едилмәсини тәләб едиб.
Наз Шаһ дејиб ки, бу, хүсусилә бир сыра Авропа өлкәләриндә һүҹум һәдәфинә чеврилән Мәһәммәд Пејғәмбәрин (сәлләллаһу әлејһи вә алиһ) горунмасы илә бағлыдыр.
Даһа сонра о вурғулајыб: "Бу өлкәдәки милјонларла мүсәлман вә дүнја әһалисинин дөрддә бири кими, мәним үчүн дә севҝили Пејғәмбәримиздән (сәлләллаһу әлејһи вә алиһ) даһа чох дәјәр вердијимиз вә саламладығымыз кимсә јохдур".
Диггәт: Хәбәрдән Истифадә Етдикдә Мәнбәјә Истинад Лазымдыр!
