Азәрбајҹан Республикасы әсҝәрләринин талеји неҹә олаҹаг?

АБНА24 Хәбәр Верир, Әфганыстанда дырнағарасы сүлһмәрамлы миссијада иштирак етмиш АБШ, Алманија вә диҝәр дөвләтләр өз һәрби континҝентини бу өлкәдән чыхармаға башлајыблар. Ејни заманда талибләрин дөвләт гүввәләринә гаршы һүҹумлары ҝенишләндирмәси вә өлкәнин вилајәтләрини бири-биринин ардынҹа өз нәзарәтинә алмасы Әфганыстанда әҹнәби һәрбчиләрин тәһлүкәсизлији мәсәләсини ҹидди шүбһә алтына алыб.

Бу барәдә Азәрбајҹан Республикасы Милли Мәҹлисинин депутаты Гүдрәт Һәсәнгулијев дә хәбәрдарлыг едәрәк билдириб ки, Азәрбајҹан сүлһмәрамлылары тәҹили Әфганыстандан чыхарылмалыдыр.

“Өтән илин сонунда биз парламентдә Әфганыстанда сәфирлијимизин ачылмасы илә бағлы ганун гәбул етдик. О заман да гејд етдим ки, бу, чох рисклидир. Амма инди АБШ Әфганыстандакы 20 иллик фәалијјәтинә сон гојур, өлкәни тәрк едир. Артыг бир нечә ҝүн бундан өнҹә Чин дә өз вәтәндашларыны тәҹили Әфганыстаны тәрк етмәјә сәсләди. Азәрбајҹанын да Әфганыстанда 120 нәфәрлик сүлһмәрамлы миссијасы вар. Һесаб едирәм ки, Милли Мәҹлисин Мүдафиә, тәһлүкәсизлик вә коррупсија илә мүбаризә комитәси бу мәсәләни тәҹили шәкилдә Мүдафиә Назирлији илә мүзакирә етмәли вә Али Баш Командана мүраҹиәт едилмәлидир. Нә гәдәр ҝеҹ дејилсә, бизим сүлһмәрамлылар Әфганыстандан чыхарылмалыдыр. Һөкумәт артыг Әфганыстанын бүтүн кәнар бөлҝәләринә нәзарәти итириб. Һәр ҝүн даһа чох әразиләр “Талибан”ын нәзарәтинә кечир."-дејә милләт вәкили дејиб.

Бәс ҝөрәсән Мили мәҹлис нәји ҝөзләјир? Әфганыстандакы ҝәрҝинликләрин кулминасија вахтында азәрбајҹанлы әсҝәрләрин ҝери чағырылмасы үчүн нијә тәшәббүс ирәли сүрүлмүр?

Азәрбајҹан Республикасынын кечмиш хариҹи ишләр назири Тофиг Зүлфүгаров СәһәрАзәри Телевизија Каналына вердији мүсаһибәдә бунун сәбәбини, азәрбајҹанлы әсҝәрләрин Түркијәнин үзәринә гојулмуш миссијада иштиракы илә изаһ едиб. Т.Зүлфүгаров билдириб ки, азәрбајҹанлы һәрбчиләр Түркијәнин Әфганыстандакы һәрбчиләри тәркибиндә олдугларына ҝөрә Түркијәнин Кабил һава лиманынын тәһлүкәсизлијини мүһафизә миссијасыны өз өһдәсинә ҝөтүрдүјүнү нәзәрә алараг, азәрбајҹан әсҝәрләри дә һәмин мисијада иштирак етмәли олаҹаг.

342/