АБНА24 Хәбәр Верир, Конфедерасијанын президенти Мәммәд Мусајев дост өлкәдән олан нүмајәндә һејәти илә ҝөрүшмәкдән мәмнунлуғуну билдирәрәк, Азәрбајҹан Республикасындакы бизнес имканлары, дајаныглы игтисади инкишафа наил олмаг үчүн ҝөрүлән ишләр, республикаја хариҹи инвестисијаларын ҹәлб едилмәсинә јарадылан мүнбит шәраит, ејни заманда Азәрбајҹанын МДБ, Түркијә вә Авропа базарларына ҝениш чыхыш имканлары, лоҝистика инфраструктуру барәдә гонаглара әтрафлы мәлумат вериб.
Әли Ҹаһанҝири исә 44 ҝүнлүк мүһарибәдә Азәрбајҹаны газандығы гәләбә мүнасибәтилә тәбрик едәрәк, әразиләрин азад олунмасынын һәр ики өлкә арасында игтисади әлагәләр үчүн јени имканлар јаратдығыны билдириб. О, Тәбризин тарихән сәнәткарлар шәһәри олдуғуну вә шәһәрдә 4 минәдәк заводун, еләҹә дә 27 минә гәдәр кичик вә орта саһибкарлыг субјектинин фәалијјәт ҝөстәрдијини гејд едиб.
Ә.Ҹаһанҝири тәмсил етдији бөлҝәнин вә үмумиликдә Иранын бөјүк игтисади вә инвестисија потенсиалы, Азәрбајҹан вә Иран саһибкарларынын бирҝә мүәссисәләр јарадараг ики өлкә арасында тиҹарәт дөвријјәсинин артырылмасы вә ҝәләҹәкдә бу мәһсуллары үчүнҹү өлкәләрә ихраҹ етмәк имканлары барәдә фикирләрини бөлүшүб.
Иранлы рәсми Худафәриндә Иран вә Азәрбајҹан мәһсулларынын сәрҝи вә сатыш јармаркасынын кечирилмәси, ҝәләҹәкдә мүштәрәк сәрбәст базар зонасынын јарадылмасы вә Тәбризә бизнес-миссијасынын тәшкили илә бағлы тәклифләр ирәли сүрүб.
Даһа сонра, АСК илә Тәбриз Тиҹарәт, Сәнаје вә Мәдәнләр Палатасы арасында Анлашма Меморандуму имзаланыб. Меморандум, бирҝә фәалијјәт үчүн сәнаје саһәләринин мүәјјәнләшдирилмәси, әмәкдашлығын ҝенишләндирилмәси вә бирҝә лајиһәләрин һазырланмасы үчүн потенсиал имканларын мүәјјән едилмәси кими мәгсәдләри әһатә едир
342/
8 iyul 2021 - 14:58
Xəbər kodu: 1158289
Азәрбајҹан Саһибкарлар Конфедерасијасында (АСК) Иранын Шәрги Азәрбајҹан валисинин мүавини Әли Ҹаһанҝиринин рәһбәрлик етдији нүмајәндә һејәти илә ҝөрүш кечирилиб.
