Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Иран Ислам Республикасынын Бирләшмиш Милләтләр Тәшкилатындакы Даими Нүмајәндә Көмәкчиси Зәһра Иршади билдириб: "Он илләрдир зүлмкар санксијалара мәруз галан бир өлкә олараг, гида вә наркотик санксијаларынын тәтбиг едилмәсини писләјирик".
Ханым Иршади, БМТ Тәһлүкәсизлик Шурасынын Суријадакы һуманитар инкишафлары нәзәрдән кечирмәк үчүн кечиртдији топлантыда дејиб: "Суријаја гаршы тәтбиг олунан гида вә дәрман санксијалары мәсулијјәтсиз, әхлагсыз вә ганунсуз гәрардыр. Вә Сурија халгынын әзабларынын узадылмасына сәбәб олуб".
"Бу гејри-инсани санксијалар гачгынларын ҝери гајтарылмасыны тәхирә салыб вә Суријаны бәрпа етмәк сәјләринә мане олур. Бу сәбәбдән биртәрәфли санксијаларын тамамилә ләғви, Сурија бөһранынын һуманитар аспектләринә диггәт јетирилмәсинә даир апарылан һәр һансы бир мүзакирәләрдә әсас елементләриндән бири олмалыдыр.”-дејәрәк Ханым иршади билдириб.
Иранын Бирләшмиш Милләтләр Тәшкилатындакы Нүмајәндә Көмәкчиси дејиб: "Сурија халгына олунаҹаг јардымлар мүтләг Сурија халгынын әзабларыны азалдаҹаг вә гачгынларын вә көчкүнләрин дәрһал ҝери дөнмәси үчүн шәраит јарадан вә узунмүддәтли вәзијјәтә көмәк едәҹәк бир шәкилдә едилмәли, бу өлкәнин сабитлијиндә рол ојнамалыдыр".
Кубаја гаршы гојулан санксијалара сон гојулмасынын зәрурилијинә даир кечирилән башга бир иҹласда чыхыш едән Зәһра Иршади дејиб: "АБШ-ын биртәрәфли вә иҹбари санксијалары реҝионал вә бејнәлхалг сүлһүн тәрәггисинә нә тәшвигинә мәнфи тәсир ҝөстәрир. Бу залымҹасына гојулан санксијалар дүнја барышығына, фираванлығына вә әдаләтли бејнәлхалг системә мәнфи тәсир ҝөстәрән әсас манеәдир”.
"Баш Ассамблеја узун илләрдир ки, Куба һөкумәти вә халгы илә һәмрәј олдуғуну ифадә едәрәк, АБШ-ын Кубаја гаршы санксијаларынын галдырылмасына чағыран гәтнамәләрин леһинә ҝүҹлү сәс верир, лакин АБШ өтән 60 ил әрзиндә Бејнәлхалг һүгуга вә Бирләшмиш Милләтләр Тәшкилатынын Низамнамәсиндә ҝөстәрилән өһдәликләрә зидд олараг игтисади, тиҹарәт вә малијјә санксијаларыны даһа да ҝүҹлү шәкилдә тәтбиг едир.”- дејәрәк Иранын Бирләшмиш Милләтләр Тәшкилатындакы Нүмајәндә Көмәкчиси билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!
