АБНА24 Хәбәр Верир, бу барәдә мәлумат "Исраил Тајмс" порталында јер алыб.
Мәлумата әсасән, јени назирләр кабинетинин ротасија мүгавиләсиндә баш назир вәзифәсинә илк вариант олан Нефтали Беннет сионист режимин һазыркы баш назири Бенјамин Нетанјаһунун һакимијјәтдә галмасы үчүн чохсајлы јаланлара тохунараг, она хитабән дејиб: "Исраилдә ҝүҹ һеч кимин инһисарында дејил, она ҝөрә дә бош јерә ҹәһд етмәји дајандырын".
Беннет ајрыҹа Кнессет сәдри Јарив Левини кабинетә етимад сәсвермәсини тәхирә салмамаға чағырыб, чүнки Нетанјаһунун бу фүрсәтдә "Јемина" партијасындан ајыра биләҹәк нүмајәндәләр тапмаг нијјәтиндә олдуғуну билир.
Бундан әввәл сионист режимин кечмиш баш назири Еһуд Олмерт, Нетанјаһунун мәғлубијјәтдән гачмаг үчүн тәһлүкәсизлик вәзијјәтини ҝәрҝинләшдирә биләҹәји барәдә хәбәрдарлыг едиб.
Ҹүмә ахшамы ҝүнү "Јеш Адит" партијасынын сәдри Јаир Лапид гондарма Исраил режиминин башчысы Реувен Ривлинә бир мәктуб үнванлајараг, једди партијанын разылығы илә коалисион һөкумәти тәшкил етмәјә мүвәффәг олдуғуну билдириб.
Баш назири ротасија принсипи әсасында тәјин едиләҹәк јени һөкумәтдә "Јамина" партијасынын сәдри Беннет ики ил мүддәтинә бу режимин баш назири олаҹаг, нөвбәти ики илдә Лапид ону әвәз едәҹәк.
Нетанјаһу һакимијјәтдә галмаг үчүн сон чабаламасында Кнессет үзвләрини мүхалиф партијаларын тәклиф етдији кабинет үзвләринин әлејһинә сәс вермәјә чағырыб.
342/
7 iyun 2021 - 13:29
Xəbər kodu: 1148400
"Јамина" партијасынын сәдри сионист режимин һазыркы баш назиринә хәбәрдарлыг едиб вә ону бу вәзифәдән әл чәкмәјә вә архасынҹа јанмыш торпаг бурахмамаға чағырыб.
