Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, әһалисинин 98%-ни Ислам Дининн ардыҹыллары тәшкил едән бәзи мүсәлман өлкәләриндә Һиҹаба јасаг гојулдуғу анларда Јени Зеландија полиси, мүсәлман иҹмасына мәнсуб гадынлары полис сыраларына гошулмаға тәшвиг едән хүсуси һазырланмыш “һиҹаб” формасыны тәгдим едиб.
30 јашлы Констабле Зијнә Әли, јалныз полис диплому алмајыб, о, һәм дә полис формасында һиҹаб тахан илк шәхс олуб.
“The Logical Indian” медиасынын мәлуматына ҝөрә, Зијнә Әли ики өнҹә Јени Зенландијанын Кристчурч шәһәриндә 51 нәфәрин өлүмү илә нәтиҹәләнән, ики мәсҹидә гаршы һәјата кечирилмиш террор һүҹумундан сонра Мүсәлман Иҹмасына террорла мүбаризәдә көмәк етмәк мәгсәдилә полисә үзв олмағы гәрар вериб.
“Дизајн просесиндә иштирак едә билдијим үчүн, Јени Зенландија полис формасында һиҹабы нүмајиш етдирмәк фүрсәтинә саһиб олмаг чох хошдур. Јени Зеландија Краллығы Полис Коллеҹинин ишчиләри тәлимләр заманы һалал сүфрәләр тәшкил едир вә ибадәт отағы һазырлајырдылар.”-дејәрәк Зијнә Әли билдириб.
“Полис логотипли һиҹабын олмасы о демәкдир ки, мүмкүндүр әввәлләр полис ишинә дүзәлмәк һаггында дүшүнмәјән гадынлар инди буну раһат шәкилдә һәјата кечирә билсинләр. Полисин мәним диними вә мәдәнијјәтимә һөрмәт бәсләјиб олдуғу кими гәбул етмәси чох јахшыдыр.”- дејәрәк о, вурғулајыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
