АБНА24 Хәбәр Верир, президент Илһам Әлијев Низами Ҝәнҹәви Бејнәлхалг Мәркәзинин видеоформатда кечирдији “Ҹәнуби Гафгаз: Реҝионал инкишаф вә әмәкдашлыг перспективләри” адлы мүзакирәләрдә ишғалчы Исраил режими илә әмәкдашлығын бундан сонра да давам етдириләҹәјини сөјләјиб.
Дөвләт башчысы дејиб ки, Азәрбајҹанла Исраил арасында тиҹарәт мүнасибәтләри мөвҹуддур вә бу мүнасибәтләр даһа да инкишаф етмәкдәдир.
Сон ҝүнләр аз гала бүтүн дүнјанын Гәззәдә төрәдилән вәһшиликләри гынадығы вә бу режимин бојкот едилмәсинә чағырдығы бир вахтда, президент Исраил режими илә әмәкдашлығын даһа да ҝенишләнмәкдә олдуғуну гејд едиб. “Исраилдә чох фәал Азәрбајҹан диаспору вар. Һәмчинин Азәрбајҹанда да чох фәал Исраил диаспору мөвҹуддур. Диаспор нүмајәндәләри икитәрәфли мүнасибәтләрин инкишафына мүһүм төһфәләр верирләр. Ишғалдан азад олунмуш әразиләрдә кәнд тәсәррүфаты саһәсиндә Исраил илә ҝениш әмәкдашлыг апарылыр”, – дејә Президент Илһам Әлијев вурғулајыб.
Бу елә бир һалдадыр ки, сон ҝүнләрдә Түркијә вә Иран иҹтимаијјәти дә дахил бүтөвлүкдә Ислам Дүнјасы ишғал олунмуш Фәләстин торпагларында, Гәззәдә Исраилин төрәтдији һәрби ҹинајәтләри гаршысында Азәрбајҹанын да сәрт мөвге сәрҝиләјәҹәјини ҝөзләјирди вә инди 12 ҝүн мөвгесизлијин ардынҹа Исраил илә әмәкдашлығын инкишаф етдириләҹәјинә тәкид олунур.
Азәрбајҹан дөвләт башчысы өз сөһбәтинин давамында өлкәсинин Фәләстинлә бағлы да мөвгејини тәкрарлајыб. О дејиб: "Гүдс шәһәри илә бағлы бизим мөвгејимиз чох ајдындыр. Бизим мөвгејимиз Исраил-Фәләстин мүнагишәсинин ики дөвләт әсасында олан һәлли үзәриндә гурулуб. Бир нечә ил бундан әввәл биз фәләстинлиләрә дәстәк олмаг үчүн Бакыда донор конфрансыны кечирдик. Һесаб едирәм ки, бу мөвге бејнәлхалг һүгуга тамамилә ујғундур."
342/
22 may 2021 - 19:30
Xəbər kodu: 1143387
Азәрбајҹан Республикасынын президенти ишғалчы Исраил режими илә әмәкдашлыгдан данышыб.
