АБНА24 Хәбәр Верир, Суријалы иш адамы Мазен Һәмад Суријада вәтәндашлары нараһат едән әсас проблемләрдән бири олан електрик енержиси чатышмазлығыны арадан галдырмаг мәгсәдилә Тәртус шәһәриндә бөјүк ҝүнәш електрик стансијасы лајиһәсини малијјәләшдириб вә һәјата кечириб. Бу лајиһә 19 мин 576 ҝүнәш панелиндән ибарәтдир ки, 6 мин 200 киловат саат електрик енержиси истеһсал едир. Бу стансија сәһәрдән ахшама гәдәр тәмиз енержи истеһсал едир вә електрик шәбәкәсинә өтүрүр. Суријада мүһарибә нәтиҹәсиндә өлкәдәки електрик стансијаларынын әксәријјәти јарарсыз һала дүшүб вә дөвријјәдән чыхарылыблар. Бу електрик стансијаларынын тәмири вә бәрпасы да өлкә игтисадијјаты үчүн милјардларла доллара баша ҝәлиб вә бу сәбәбдән дә һөкумәт бәрпа олунан вә тәмиз енержи истеһсалы лајиһәләрини инкишаф етдирмәјә үз тутуб. Суријанын, електрик стансијалары үчүн лазым олан јанаҹағы әлдә етмәсинә мане олан бу өлкәјә гаршы кәскин игтисади блокада, һәмчинин террорчуларын тәхрибатлары нәтиҹәсиндә газ гујуларынын сырадан чыхмасы фонунда мүтәхәссисләр електрик чатышмазлығынын јеҝанә һәлл јолунун тәмиз енержиләр олдуғу гәнаәтинә ҝәлибләр вә бу мәсәлә Сурија һөкумәтинин бу планлары дәстәкләмәсинә вә еһтијаҹларыны тәмин етмәк үчүн һәр ҹүр сәј ҝөстәрмәсинә сәбәб олуб.
342/
