АБНА24 Хәбәр Верир, Иҹтимаи фәал Әһмәд Шаһидовун сосиал шәбәкә һесабында “ијунда Ханкәнди Бакынын там нәзарәтиндә олаҹаг – истәр ҝүҹ, истәрсә сүлһ јолу илә” сөзләри Ермәнистанда мүзакирәләрә сәбәб олуб. Ахар.аз-ын вердији мәлумата ҝөрә, Әһмәд Шаһидов өзүнүн соҹиал шәбәкә һесабында белә јазыб: "10 нојабр бәјанатында ајдын шәкилдә јазылыб ки, Ханкәнди вә диҝәр шәһәрләр тәдриҹән Азәрбајҹан Ордусунун нәзарәтинә кечәҹәк. Никол Пашинјандан сорушун" Гарабағдакы ермәни сепаратчыларынын кечмиш “омбудсманы” кими тәгдим едилән Рубен Мәликјан азәрбајҹанлы фәал Әһмәд Шаһидовун бу барәдә ачыгламасына реаксијасында билдириб ки, ортада Пашинијанын анлашмасы мөвҹуддур вә инсанлар артыг бу барәдә ачыг шәкилдә данышырлар ки, ијунда Ханкәнди Бакынын нәзарәтинә кечәҹәк. О Пашинијаны дүшмән адландырараг, сечкиләрдә онун мүмкүн гәдәр аз сәс алмасы үчүн лазымы ишләрин ҝөрүнмәсинә чағырыб. Гејд едәк ки, Бунун ардынҹа Гарабағ сепаратчылары тәкзиб јајыблар вә Ханкәндини "рус сүлһмәрамлылары вә "артсах ордусу"нун горудуғуну" елан едибләр. 20 ијунда Ермәнистанда нөвбәдәнкәнар сечкиләр кечириләҹәк.
342/
