АБНА24 Хәбәр Верир, Кијануш Ҹәһанпоур ЫРЫБ илә мүсаһибәдә билдириб ки, Иранын Пастор Институту тәрәфиндән дүзәлдилмиш «Субрана» пејвәндинин клиник сынагларынын үчүнҹү мәрһәләси Иранын Сәһијјә Назирлијинин «Тәдгигатда Етика Комитәси»ндә тәсдиг едилиб. Ҹәһанпоур сонра дејиб: Үчүнҹү мәрһәләнин/ коронавируса гаршы бу тест ваксининин сонунҹу арашдырма етапы кими уғур газанаҹағы вә нәтиҹәләринин тәсдиг олунаҹағы тәгдирдә, ваксинә ири һәҹмдә истеһсал вә истеһлак лисензијасы вериләҹәк. Иран әрзаг вә дәрман тәшкилаты сөзчүсүнүн дедијинә ҝөрә, бу ваксинин клиник сынагларынын үчүнҹү мәрһәләси әслиндә бир ај бундан өнҹәдән Кубада башланыб вә һәмин өлкәдә 48 мин нәфәрдән чох инсан бу ваксинин биринҹи дозасыны вурдурубдур. Ҹәһанпоур дејиб: «Субрана» ваксини техники вә техноложи билијин өтүрүлмәсилә Иранда истеһсал едиләҹәк илк коронавирус ваксини олаҹаг.
342/
