АБНА24 Хәбәр Верир, Иран Ислам Республикасынын Хариҹи ишләр Назири Мәһәммәд Ҹәвад Зәриф Базар ертәси ҝүнү Ислами Шура Мәҹлиси Милли Тәһлүкәсизлик вә Хариҹи Сијасәт Комиссијасынын тәшкил етдији иҹласда базар ҝүнү Нәтәнз нүвә тәсисатында мејдана ҝәлән һадисәјә ишарә илә, индики һәссас шәраитдә нүвә тәсисатыны вә нүвә алимләрини горумаг зәрурәтинә вурғу етди. Гулдур Исраилин һәрби вә сијаси рәсмиләри Ирана гаршы залыманә санксијалары галдырмасына иҹазә вермәјәҹәкләрини ачыгҹа дилә ҝәтирдикләрини вә инди дә һәдәфләринә чатдыгларыны зәнн етдикләрини ифадә едән Хариҹи ишләр Назири Зәриф, нүвә саһәсиндә даһа да ирәлиләјәрәк сионистләрә лазым олан ҹавабын вериләҹәјини гејд етди. Хариҹи ишләр Назири Зәриф белә әлавә етди:Нәтәнз нүвә тәсисаты кечмиш илә мүгајисәдә даһа ҝүҹлү сантрифугаларла тәҹһиз едиләҹәк. Әҝәр бәзиләри мүзакирәләрдә бизим әлимизин зәиф олдуғуну дүшүнүрсә, бу ҹүр һадисәләрин мүзакирәләрдә әлимизи даһа да ҝүҹләндирәҹәјини билмәләри лазымдыр. Мүзакирә тәрәфләри дә әҝәр индијә гәдәр уран зәнҝинләшдирмәдә гаршыларында биринҹи гуршаг сантрифугларын олдуғуну билирсә, инди исә Нәтәнз тәсисаты гат гат ҝүҹлү инкишаф етмиш сантрифугалар илә уран зәнҝинләшдирдијини дә билмәләри лазымдыр. Иран Атом Енержиси Тәшкилаты сөзчүсү Камалвәнди, Базар ҝүнү Нәтәнзын Шәһид Әһмәди Рошән зәнҝинләшдирмә тәсисатынин електрик шәбәкәсиндә бир һадисә мејдана ҝәлдијини, һадисә арашдырылдығыны, арашдырманын нәтиҹәләри һаггында даһа сонра шәрһ едиләҹәјини ифадә етди.
342/
