АБНА24 Хәбәр Верир, Суријада «Күрд демократик гүввәләри» адлы күрд јарымһәрбчиләр бу ҝүн Әлһәсәкә вилајәтинин ҹәнубундакы Мәркәдә рајонуна һүҹум заманы бир груп суријалы ҝәнҹи һәбс едәрәк, онлары Әлһәсәкәдә, гүввәләрин зорла ҹәзб едилмәси вә тәлим верилмәси мәркәзләринә көчүрүбләр. Белә бир һалда, Суријанын шәрг сакинләринин бөјүк бир групу АБШ-ын табелијиндә олан күрд демократик гүввәләринә гаршы аксија кечириб вә һәмин гүввәләрин Дијрәззурун ҹәнуб-шәрги вә шималында јерләшән Әбу-Хәшәб, Әлшәһбәл, Әләзбә гәсәбәләринә басгын етмәләри вә бу рајон сакинләриндән он доггуз нәфәри оғурламаларыны писләјибдир. Диҝәр тәрәфдән, гејд олунан гүввәләрин табелијиндә олан үнсүрләр ијирми мүлкини дә Риггә шәһәриндә һәбс едәрәк, намәлум бир рајона көчүрүбләр. Суријада АБШ-ын табелијиндә олан күрд демократик гүввәләри иддиа едирләр ки, Риггәнин шәргиндә һәмин гүввәләрин үнсүрләринә гаршы һүҹумда бу шәхсләрин әлләри олубдур. Риггәнин шәргиндәки Марудә кәндиндә күрд үнсүрләрин табелијиндә олан бир јохлама-бурахылыш мәнтәгәсинә гаршы һүҹумда бу групун үнсүрләриндән ики нәфәр өлүб, бир нечә нәфәр дә јараланыбдыр. Америка вә Түркијәдән асылы олан үнсүрләр ганунсуз сурәтдә Суријанын шималы вә шимал-шәргиндә иштирак едирләр. Онлар бу бөлҝәләрин әһалисинә һүҹумдан әлавә, Суријанын нефт мәнбәләрини дә гарәт етмәкдәдирләр.
342/
