АБНА24 Хәбәр Верир, Иран Ислам Республикасынын Азәрбајҹандакы сәфири Сејид Аббас Мусәви вә Азәрбајҹан Республикасынын енерҝетика назири Пәрвиз Шаһбазов арасында видеоконфранс форматында ҝөрүш кечирилиб. Бу ҝөрүшдә тәрәфләр енерҝетиканын мүхтәлиф саһәләри үзрә әмәкдашлығын инкишаф етдирилмәси јоллары барәдә фикир мүбадиләси апарыблар. Азәрбајҹанын енерҝетика назир Ермәнистан илә Азәрбајҹан Республикасы арасындакы сон мүнагишәләр барәдә Иран сәфирини мәлуматландырыб вә Иранла Азәрбајҹан арасында енержи секторунда бирҝә һәјата кечирилән лајиһәләр вә онларын иҹра вәзијјәти вә ҝөрүлән ишләр барәдә фикирләрини билдириб, һабелә Иран Ислам Республикасынын јени сәфиринин Бакыда олмасынын да ики өлкә арасында илләрдир давам едән уғурлу әмәкдашлыға төһфә верәҹәјинә үмидварлыг ифадә едиб. Бу виртуал ҝөрүшдә Иранла нефт-газ, електроенерҝетика саһәләриндә әмәкдашлығын мөвҹуд вәзијјәти, бирҝә лајиһәләрин иҹрасы вә диҝәр мәсәләләр мүзакирә олунуб. Иран Ислам Республикасынын Азәрбајҹан Республикасындакы сәфири Сејид Аббас Мусәви дә енержи саһәсиндә икитәрәфли әмәкдашлығын инкишаф етдирилмәси вә бирҝә лајиһәләрин иҹрасынын сүрәтләндирилмәсинин ваҹиблијини вурғулајыб. Бу иҹласда, һәмчинин ики өлкәнин бирҝә техники комитәсинин иҹласынын ән тез бир заманда кечирилмәси гәрара алыныб.
342/
