АБНА24 Хәбәр Верир, О, дејиб ки, Иран Ислам Республикасы бу ҝүн өз мүдафиә еһтијаҹларынын дохсан фаизини өлкә дахилиндә истеһсал вә тәмин етмәк габилијјәтинә маликдир. Бригада ҝенералы Әмир Һатәми дүнән ахшамчағы «Бу ҝеҹәнин сәрлөвһәси» адлы телевизија програмында Иран Ислам Республикасына гаршы силаһ ембаргосунун автоматик шәкилдә баша чатмасына ишарә едиб. Билдириб ки, Иранын белә бир баҹарыға наил олмасы америкалылар үчүн чох чәтиндир вә онлар индијәдәк јаландан дүнјаја дејибләр ки, бир өлкә Американын һимајәси олмадан бир иш ҝөрә билмәз. Ҝенерал Һатәми силаһ мәһдудијјәтләринин ләғв едилмәсинин өнәминә тохунараг, белә гејд едиб: Дүшмәнләр, хүсусилә америкалылар өтән бир ил әрзиндә силаһ ембаргосунун ләғв едилмәмәсинә вә ја јени мәһдудијјәтләрин тәтбиг едилмәсинә чалышдылар. Белә ки, онлар бунун үчүн өзләринин бүтүн һејсијјәтләрини хәрҹләдиләр. Амма онларын һејсијјәтләри мәһв олду вә Американын башына ҝәлән һадисәләр Тәһлүкәсизлик Шурасында һеч бир өлкәнин башына ҝәлмәјибдир. Базар ҝүнү Ирана гаршы силаһ ембаргосу нүвә анлашмасынын әлдә олунмасынын бешинҹи илдөнүмүндә автоматик шәкилдә баша чатды; бундан сонра силаһ вә сурсат идхалаты вә ихраҹаты мәһдудијјәти ләғв едилди вә 2231 сајлы гәтнамәдә гејд олунан 23 һүгуги шәхсин сәфәр мәһдудијјәти дә баша чатды.
342/
