АБНА24 Хәбәр Верир, Иранын Хариҹи Ишләр Назирлијинин мәтбуат катиби Сәид Хәтибзадә бу ҝүн Азәрбајҹан Республикасы илә Ермәнистан арасында баш верән сон тоггушмалар заманы Иран әразисинә едилмиш бәзи тәҹавүзләр барәдә журналистләрин суалларыны ҹавабландыраркән, дејиб: "Сәрһәд бөлҝәләриндә баш верәнләр Иран Ислам Республикасы тәрәфиндән ҹидди шәкилдә вә там һәссаслыгла изләнилир". Хәтибзадә сөзләринин давамында бөлҝәдәки мүнагишә тәрәфләринин Иран торпағына истәнилән тәҹавүзүнүн дөзүлмәз олдуғуну билдирәрәк, бүтүн тәрәфләрә бу мөвзуда лазыми гајғыны ҝөстәрмәк барәдә ҹидди хәбәрдарлыг едиб. Иранын Хариҹи Ишләр Назирлијинин мәтбуат катиби бир даһа Азәрбајҹан Республикасынын әрази бүтөвлүјүнә һөрмәт едилмәси, мүлки әһалијә тәҹавүз етмәмә принсипинә риајәт едилмәси, тоггушмаларын дәрһал дајандырылмасы вә ҹидди данышыгларын башланмасы ваҹиблијини вурғулајыб вә буна наил олмаг үчүн Иран Ислам Республикасынын көмәк етмәјә һазыр олдуғуну билдириб. Сон ҝүнләр Азәрбајҹан Республикасы вә Ермәнистан арасында баш верән һәрби тоггушмалар нәтиҹәсиндә мүнагишә тәрәфләринин бир нечә ракет вә мәрмиси Иранын бу ики өлкә илә һәмсәрһәд кәндләри вә бөлҝәләринә дүшүш вә бир беш јашлы иранлы ушағын јараланмасына сәбәб олуб.
342/
