АБНА24 Хәбәр Верир, ачыгламада билдирилир: "Сентјабрын 27-дә Ермәнистан силаһлы гүввәләри атәшкәс режимини кобуд шәкилдә позараг тәмас хәтти бојунҹа Азәрбајҹан Республикасынын мөвгеләрини иричаплы силаһлар, минаатанлар вә мүхтәлиф чаплы артиллерија гурғуларындан атәшә тутараг, Азәрбајҹана гаршы нөвбәти тәҹавүзә әл атыб. Бундан әввәл исә Ермәнистан рәһбәрлији тәрәфиндән һәм сөздә, һәм дә әмәлдә төрәдилмиш тәхрибатлар, о ҹүмләдән Азәрбајҹанын ишғал олунмуш әразиләриндәки гондарма режимин “андичмә” мәрасиминдә иштирак үчүн Шуша шәһәринә ҝетмәси, ишғал олунмуш Ханкәнди шәһәриндә тәһрикчи характерли “Гарабағ Ермәнистандыр” бәјанатыны сәсләндирмәси, ишғалчы өлкәнин “јени әразиләр үчүн јени мүһарибә” консепсијасынын ирәли сүрмәси, мүнагишәнин һәлли данышыгларда 7 гејд шәрт ирәли сүрмәси, еләҹә дә данышыгларын форматыны дәјишдирмәк ҹәһдләри АТӘТ-ин Минск Групу һәмсәдрләринин васитәчилији илә апарылан мүнагишәнин һәлли просесинә зәрбә вуруб. Һазырда Азәрбајҹана гаршы нөвбәти һәрби тәҹавүзү чәрчивәсиндә Ермәнистан Силаһлы Гүввәләри әнәнәви шәкилдә бејнәлхалг һүгугун норма вә принсипләрини, хүсусилә дә бејнәлхалг һуманитар һүгуг вә 1949-ҹу ил Ҹеневрә Конвенсијалары вә онларын Әлавә Протоколларыны кобуд шәкилдә позараг, Азәрбајҹанын мүлки әһалисини вә инфраструктуруну мәгсәдјөнлү шәкилдә атәшә тутур, бунунла да мүлки әһалијә гаршы мүхтәлиф ҹинајәтләр төрәдир. Ҝөрүнән одур ки, Ермәнистан мүнагишәни данышыглар јолу илә һәллиндә мараглы дејил вә ишғал етдији әразиләрин илһагына чалышыр. Гејд едәк ки, АТӘТ-ин Минск групу һәмсәдрләри Дағлыг Гарабағ мүнагишәси зонасында вәзијјәтин ҝәрҝинләшмәси илә бағлы бәјанат јајыб. Бәјанатда һәмсәдрләр тәрәфләри мүлки әһалини горумаг үчүн бејнәлхалг өһдәликләри там шәкилдә јеринә јетирмәјә чағырыблар.
342/
