АБНА24 Хәбәр Верир, Һәсән Руһани, ҹүмә ҝүнү Түркијә президенти Рәҹәб Тајјиб Әрдоғанла телефон данышығында, Түркијә һөкумәтини вә халгыны Гурбан Бајрамы мүнасибәтилә тәбрик едәркән, Коронавирусла мүбаризә үчүн бу ҝүнә гәдәр ики өлкәнин бирликдә хәстәлији идарә етмәк үчүн јахшы сәј ҝөстәрмәләрин’ тохунуб, бундан сора да бирликдә ишләјәрәк тәҹрүбә мүбадиләси едә биләҹәјинә үмид етдијини билдириб. Президент бөлҝәдәки бәзи проблемләрә тохунараг үмидвар олдуғуну билдирди ки бөлҝәдәки бүтүн өлкәләрин сәјләри вә әмәкдашлығы илә бөлҝәдәки сабитлијин вә барышын шаһиди олаҹағыг. Руһани, АБШ-ын бу ҝүн Иран халгына гаршы залымҹасына санксијалары тәтбиг етдијини вурғулајараг дејиб: Бу вәзијјәтдә Иран вә Түркијә кими дост вә гоншу өлкәләр мүнасибәтләрини вә әмәкдашлығыны даһа да инкишаф етдирмәлидир. Түркијә Президенти Рәҹәб Тајјиб Әрдоған да Гурбан Бајрамы мүнасибәтилә тәбрикләрини билдирәрәк, Бу бајрамын ики өлкә халгы вә бүтүн дүнја мүсәлманлары үчүн бир хејир олаҹағына үмид етдијини билдирди. Түркијә Президенти, Иран һөкумәти вә халгынын корона хәстәликләринә гаршы мүбаризәдәки уғурлу сәјләрини јүксәк гијмәтләндирәрәк, бу истигамәтдә әмәкдашлығын инкишаф етдирилмәсинин вә тәҹрүбә мүбадиләсинин апарылмасынын ваҹиблијини вурғулајыб. Әрдоған Иран вә Түркијә арасында тиҹари-игтисади әлагәләрин вә әмәкдашлығын ҝенишләндирилмәсинин вә сағламлыг протоколларына ујғун тиҹарәт мүбадиләсинин сүрәтләндирилмәсинин зәрурилијинә ишарә едәрәк, јахын вахтларда ики өлкә арасында Стратежи Әмәкдашлыг үзрә Али Шуранын иҹласынын кечириләҹәјинә үмидвар олдуғуну билдириб.
342/
