АБНА24 Хәбәр Верир, Маһмуд Ваези бу телефон данышығында Иран-Азәрбајҹан Республикасы һәмкарлыгларыны реҝион өлкәләри арасында конструктив мүнасибәтләр үчүн мүсбәт бир нүмунә адландырыб вә белә дејиб: Иран Ислам Республикасы даим дост вә гоншу өлкә кими Азәрбајҹан Республикасынын халгы вә һөкумәтинин кәнарында дуруб вә бу өлкә илә әлагәләрин ҝенишләнмәсинә әһәмијјәт верир. Ваези һәмчинин билдириб ки, өлкәләрин суверенликләри вә әрази бүтөвлүкләринин горунмасына дәстәк, проблем вә мүнагишәләрдә Иран Ислам Республикасынын рәсми мөвгејидир. О, дејиб ки, бөлҝәдә ҝәрҝинлик һеч бир өкәнин хејринә олмајыб вә олмајаҹагдыр. Иранын Азәрбајҹан Республикасы хүсусијјәт тәшкил етмәклә бүтүн өлкәләрин инкишафы, тәрәггиси вә сабитлјини истәдијини вурғулајан Ваези үмидварлыг едибдир ки, бөлҝәдә мөвҹуд олан мүнагишәләр диалог вә динҹ һәлл јоллары илә чөзүләҹәкдир. Һикмәк Һаҹыјев дә бу телефон сөһбәтиндә Иран вә Азәрбајҹан Республикасы рәсмиләринин гаршылыглы мүнасибәтләрин һәртәрәфли сурәтдә ҝенишләндирилмәси вә мөһкәмләндирилмәси истигамәтиндә ҝөстәрдикләри сәј вә ҹидди-ҹәһди јүксәк гијмәтләндириб. Һаҹыјев гаршылыглы әлагәләрин даһа да ҝенишләндирилмәси үчүн ики өлкә рәсмиләринин әлагә вә мәшвәрәтләринин артмасы үзрә сәјләрин ваҹиблијини вурғулајыб. Азәрбајҹан Республикасы президентинин хариҹи сијасәт үзрә мүшавири һәмчинин өлкәләрин суверенликләринә һөрмәт вә бејнәлхалг мүнагишәләр барәдәки ачыг-ашкар мөвгеләринә ҝөрә, Ирана тәшәккүр едиб. Билдириб ки, Иран бөлҝәдә нүфуза малик олан сон дәрәҹә мүһүм бир өлкә кими реҝионал мәсәлә вә мүнагишәләрин һәллиндә олдугҹа мүһүм рол ојнајыр.
342/
