АБНА24 Хәбәр Верир, Фәләстин президенти Маһмуд Аббас вә Чин дөвләт башчысы Си Ҹинпин арасында телефон данышығы олуб. Рәсми Фәләстин хәбәр аҝентлиjи “Wафа”нын вердиjи мәлумата ҝөрә, Маһмуд Аббас Фәләстин халгына вердиjи сиjаси вә игтисади дәстәjә, һәмчинин коронавирус илә мүбаризәдә вердиjи көмәjә ҝөрә Чинә тәшәккүр едиб. Маһмуд Аббас даһа сонра чинли һәмкарына Фәләстиндәки сон һадисәләр, һәмчинин Фәләстин мөвгеjинә беjнәлхалг дәстәjи сәфәрбәр етмәк үчүн сиjаси вә дипломатик сәjләр барәдә мәлумат вериб. Бу да Гәрб Саһилинин ишғал планынын һәjата кечирилмәсинин гаршысыны алмағы һәдәфләjир. Чинин беjнәлхалг һүгуга уjғун сүлһү дәстәкләдиjи мөвгеjини, еjни заманда беjнәлхалг гәтнамәләри позараг биртәрәфли һәрәкәтләрдән имтина етмәсини jүксәк гиjмәтләндириб. Чин президенти өз нөвбәсиндә өлкәсинин ики дөвләтли һәлл jолуну вә 1967-ҹи илдә Шәрги Гүдс илә сәрһәддә мүстәгил Фәләстин дөвләтинин jарадылмасыны дәстәкләдиjини бир даһа тәкрарлаjыб.
342/
