АБНА24 Хәбәр Верир, Бу мәнбәләрин билдирдикләринә ҝөрә, бир нечә һәфтәдир ки, шиәсакинли Әләһса вә Әлгәтиф бөлҝәләринин сакинләриндән олан дини мәһбусларын һәjаты сәуд һөкумәтинин Әлдимамда jерләшән Әлмәбаһис мәһбәсиндәки сәһиjjә дурумуну даима өрт-басдыр етмәсинә ҝөрә, тәһлүкә гаршысында галыбдыр. Бу мәлумата ҝөрә, Әлмәбаһисдә бир груп мәһбус вә зиндан ишчиси коронавируса jолухуб. Белә бир һалда, сәуд рәсмиләринин мәһбусларын аиләләринин өз мәһбусларынын сағламлыг дурумундан әмин олмаг үзрә хаһишләрини ҹавабландырмамалары шәраитин бөһранлы олдуғуну ҝөстәрир. Бу мәнбәләрин билдирдикләринә ҝөрә, бәзи мәһбуслар jашлыдыр, диҝәр мәһбуслар исә хроники хәстәликләрә дүчар олублар. Әлмәбаһис мәһбуслары март аjындан бәри өз аиләләри илә ҝөрүшдән мәһрум едилибләр. Әрәбистан сәһиjjә назирлиjинин сон мәлуматына ҝөрә, бу өлкәдә 157 мин 612 нәфәр коронавируса jолухубдур ки, онларын 1267 нәфәри һәjатыны итирибдир.
342/
