Абна24 хәбәр верир, Иран Ислам Республикасы ордусунун дәниз гүввәләри бу ҝүн сәһәр узаг мәнзилли дәниз Круз ракетләри илә су сәтһи үзрә дөjүш тәлим-мәшгиндә 80 вә 200 километрлик мәсафәләрдә нәзәрдә тутулан һәдәфләри мәһв едибләр. Бу ракетләрин мәнзилләри артырылмаг габилиjjәтинә маликдир. Һәмчинин бу тәлим-мәшгдә узаг вә гыса мәнзилли гуру-дәниз вә дәниз-дәниз типли ракетләр еjни вахтда саһилдән вә Иран Ислам Республикасы ордусунун дәниз гүввәләри ҝәмиләринин ҝөjәртәләриндән уғурла атылыб вә тәjин олунмуш һәдәфләри олдугҹа бөjүк дәгигликлә һәдәфә алыблар. Бу тәлим-мәшгдә атылан ракетләр ордунун дәниз гүввәләринин һәмкарлығы илә Иранын мүдафиә назирлиjи тәрәфиндән ишләниб һазырланыбдыр. Иран Ислам Республикасы ордусунун баш команданынын кординасиjа мүавини контр-адмирал Һәбибуллаһ Сәjjари бу тәлим-мәшгин сонунда Круз ракетләринин атышыны өнләjиҹи вә мүдафиә габилиjjәтинин jүксәлдилмәсиндә үмидвериҹи бир аддым адландырыб вә белә деjиб: Иранлы ҝәнҹ тәдгигатчылар вә стартап мәркәзләри залымҹасына санксиjалара мәһәл гоjмадан тәҹһизат асылылыгларыны кәсмәк вә өзүнәистинад үзрә аjдын jолу давам етдирирләр. Һәмчинин Иран Ислам Республикасы ордусунун дәниз гүввәләринин команданы контр-адмирал Һосеjн Ханзади су сәтһи үзрә дөjүш тәлим-мәшги вә узаг вә гыса мәнзилли ракетләрин атышыны уғурлу адландырыб вә белә сөjләjиб: Иранлы ҝәнҹләрин ҹидди-ҹәһди илә бу jени уғурун әлдә олунмасы халга вә гурулуша гаршы һәр һансы тәһдидлә мүбаризә истигамәтиндә Иран Ислам Республикасынын гүдрәтиндән олараг, силаһлы гүввәләрдәки өзүнәинам әһвал-руһиjjәсини ҝүҹләндирибдир.
342/
