Абна24 хәбәр верир, Американын орду назири Раjан Маккарти чәршәнбә ҝүнү ҝеҹә билдириб ки, Марк Еспер орду гүввәләрини күчәләрдән чыхармаг ниjjәтиндә деjилдир. Маккарти геjд едиб ки, Американын мүдафиә назири бу гәрара Ағ Ев-дә кечирилән иҹласда иштиракдан вә Пентагондакы дахили мәшвәрәтләрдән сонра ҝәлибдир. Американын орду назири, Есперин өз сөзүнү ҝери ҝөтүрмәсинин сәбәбинә ишарә етмәjиб, амма експертләрин гәнаәтинҹә, Есперин бу гәрары АБШ һөкумәтинин тәзjиги вә Трампын америкалы етиразчылары jатырмаг барәдәки исрарындан сонра гәбул едилибдир. Марк Еспер чәршәнбә ҝүнү Америка ордусунун етиразчылары jатырмаг үчүн күчәләрдә иштирак етмәсинә гаршы ҝениш тәнгидләрдән сонра билдирмишди ки, орду гүввәләри өз базаларына ҝери дөнәҹәкләр. Американын мүхтәлиф шәһәрләри, о сырадан Миннесота штатындакы Миннеаполис шәһәри бу ҝүнләр етиразчы халгын бу өлкә полисинин расистҹәсинә рәфтарына гаршы аксиjа сәһнәләридир.
342/
