АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Нур пейкинин уғурлу атышындан сонра бәзи авропалы вә америкалы рәсмиләр Иранын аддымы барәдә ниҝаранчылыг едибләр. Иддиа едибләр ки, 2231 сайлы гәтнамә Иран тәрәфиндән позулубдур.
Иранын мәһкәмә һакимиййәтинин сәдри Сеййед Ебраһим Рәиси өлкәнин мәһкәмә рәсмиләринин али шурасынын иҹласында Нур пейкинин уғурлу атышына ҝөрә, Ислам Ингилабы Кешикчиләри Корпусу- Сепаһ-а тәшәккүр едиб вә ону елм вә технолоҝийа саһәсиндә истеһсалын сычрайышынын тәзаһүрү вә өлкә үчүн гүдрәтҝәтириҹи бир аддым адландырыб. Дейиб ки, бу әһвал-руһиййәйә сөйкәнмәклә бүтүн саһәләрдә игтисади проблемләрин азалдылмасы вә истеһсалын рөвнәги истигамәтиндә аддым атмаг олар.
Рәиси вурғулайыб: Ислам Ингилабы Кешикчиләри Корпусунун гүдрәтйаратма саһәсиндәки буҝүнкү иши гүввәтлә вә һай-күйләрә мәһәл гойулмадан давам етмәлидир.
Иранын мәһкәмә һакимиййәтинин сәдри чыхышынын диҝәр бир һиссәсиндә инсан һаглары иддиасында олан тәшкилатларын коронавируслу ҝүнләрдә Иран зинданларынын вәзиййәти һагдакы фикирләринә тохунуб вә белә дейиб: Дүнйа халглары һеч вахт инсан һаглары иддиачыларынын икили вә тәзадлы рәфтарларыны гәбул етмәйәҹәкләр. Белә ки, бу иддиачылар бир тәрәфдән, инсан һүгугларыны позан өлкәләр вә режимләр барәдә сусурлар, диҝәр тәрәфдән исә сийаси йөнүмлә өз дини вә инсани принсипләри әсасында инсанларын һүгугларына диггәт йетирән башга өлкәләрин фәалиййәтләри барәдә бәһанә ҝәтирирләр.
.............
340
28 aprel 2020 - 13:19
Xəbər kodu: 1031076
Иранын мәһкәмә һакимиййәтинин сәдри Иранын Нур пейкинин атылмасыны бейнәлхалг гәтнамәләрә зидд билән Американын вә бәзи Авропа өлкәләринин иддиа вә һай-күйләрини рәдд едиб.
