Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Америка Бирлшмиш Штатларынын Орта Асија үзрә АБШ Гүввәләри Команданлыг Мәркәзи- "CEHTCOM" өтән ҝүн бәјанат јајымлајараг билдириб ки, Ејнул Әсәд базасындан хејли сајда хәсарәт алан һәрбичиләримиз Американын Алманијадакы һәрби һоспиталына јерләшдирилибләр.
АБШ Гүввәләри Команданлыг Мәркәзинин јајымладығы бәјанатда тәзадлы мәгамлар чох ҝөзә дәјир. Белә ки, бәјанатда дејилир: "Бу ишә һеч бир лүзум јох иди. Анҹаг ки, даһа да чох гајғы ҝөстәрмәкдән өтрү бу иш ҝөрүлмүшдүр."
Гејд едәк ки, сон бир нечә ҝүн әрзиндә бу артыг икинҹи дәфәдир ки, Американын мәсул шәхсләри рәсми сүрәтдә Ејнул Әсәд базасында јаралананларын Ирагдан хариҹә мүалиҹә мәгсәди илә апарылдыгларыны дејибләр. Бир һәфтә өнҹә АБШ Гүввәләри Команданлыг Мәркәзи билдирмишдир ки, бу өлкәнин Ејнул Әсәд һава гүввәләри базасында 11 һәрбичиси мүалиҹә үчүн Алманијаја ҝөндәрилиб. Америкалы рәсмиләр гејд олунан һәрбичиләрин кәллә-бејин травмасы илә Алманија һоспиталына јерләшдирилдијини демишләр.
Хатырладаг ки, 2020-ҹи ил јанварын 3-нә кечән ҝеҹә АБШ пилотсуз тәјјарәсиндән ендирилән дәгиг ракет зәрбәләри нәтиҹәсиндә ҝенерал Гасым Сүлејмани өлдүрүлүб. Террор әмәлијјаты Бағдад аеропорту јахынлығында АБШ Хүсуси Әмәлијјатлар үзрә Бирләшмиш Команданлығы USSOCOM тәрәфиндән һәјата кечирилиб. Террор әмәлијјатында пилотсуз тәјјарәләрдән истифадә олунуб вә ҝенерал Сүлејманинин дә олдуғу автомобил калонуна ракет зәрбәләри ендирилиб. Нәтиҹәдә Гасым Сүлејмани илә јанашы "Һәшд-Шаби"нин иҹтимаијјәтлә әлагәләр шөбәсинин рәһбәри Мәһәммәд Рза әл-Ҹабири вә "Һәшд-Шаби" тәшкилатынын командир мүавини Әбу Меһди әл-Мүһәндиси башда олмагла даһа једди нәфәр, уҹа шәһидлик мәгамына јүксәлибләр.
Билдирмәк лазымдыр ки, Ҝенерал Гасым Сүлејмани рәсми Бағдад тәрәфиндән Ирага дәвәт едилиб. Бу сәбәбдән дә Ҝенерал Гасым Сүлејмани, Әбу Меһди әл-Мүһәндис тәјјарә илә Суријадан Бағдада ҝәлибләр. Даһа сонра онлары апаран автомобил кортежи аерпорту тәрк едиб, амма чох кечмәдән аеропорт әразисиндә онлары Америка ракетләри һаглајыб. Ракетләрдән бири дүз ҝенерал Сүлејманинин олдуғу автомобилә дәјиб.
Иран Ислам Республикасы буна нисби ҹаваб олараг АБШ-ын Ирагдакы ики һәрби базасына ракет зәрбәләри ендириб. АБШ тәрәфи ағыр иткләр илә үзләшсә дә лакин ҹаваб аддым атмагдан чәкинир...
Диггәт: Хәбәрдән истифадә етдикдә мәнбәјә истинад лазымдыр!
