Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Инҝилтәрә баш назири Борис Ҹонсонла телефонла данышан Президент Һәсән Руһани, Американын Ирагдакы базаларына ИИР тәрәфиндән ракет һүҹумлары едилмәсини БМТ-нин гајдаларына ујғун вә гануни бир өзүнүмүдафиә һүгугу олдуғуну билдириб. Ҹәнаб президент вурғулајыб ки, Америка Бирләшмиш Штатлары башга бир сәһвә јол верәрсә даһа тәһлүкәли ҹаваб алаҹагдыр.
О, Инҝилтәрә һөкумәтиндән шәһид Маршал Гасим Сүлејманијлә бағлы мөвгејини ҹидди шәкилдә нәзәрдән кечирмәсини тәләб едәрәк билдириб: “Ҝенерал Сүлејманинин сәјләри олмасајды, Лондонда сабитлик вә әмин-аманлыг олмазды”.
Иран Ислам Республикасынын президенти Һәсән Руһани шәһид Маршал Сүлејманинин бөлҝә халгынын досту вә терроризмлә мүбаризәнин гәһрәманы олдуғуну билдирәрәк дејиб: "АБШ-ын террор фәалијјәти бөлҝәни ҹидди шәкилдә тәһдид едир."
Диггәт: Хәбәрдән истифадә етдикдә мәнбәјә истинад лазымдыр!
