С.Оған “Ҹүмһур Иттифагы”ндан президентлијә намизәд, һаким Әдаләт вә Инкишаф Партијасындан, һазыркы дөвләт башчысы Рәҹәб Тәјјиб Әрдоғаны дәстәкләјәҹәјини билдириб.
Хатырладаг ки, мајын 14-дә баш тутан сечкиләрдә президентлијә намизәдләрдән һеч бири 50%-дән чох сәс топламадығы үчүн сәсвермәнин икинҹи туру мајын 28-дә кечириләҹәк. Бу мәрһәләдә “Ҹүмһур Иттифагы”нын президентлијә намизәди, һаким Әдаләт вә Инкишаф Партијасынын сәдри вә һазыркы дөвләт башчысы Әрдоған вә “Милләт Иттифагы”нын намизәди, мүхалиф Ҹүмһуријјәт Халг Партијасынын сәдри Камал Кылычдароғлу мүбаризә апараҹаг. Икинҹи турда ән чох сәстоплајан намизәд нөвбәти 5 ил үчүн Түркијә Президенти сечиләҹәк.
Гејд едәк ки, илк турда Түркијәнин һазыркы президенти Рәҹәб Тәјјиб Әрдоған 49,51 фаиз, мүхалифәт лидери исә 44,88 фаиз сәс топлајыб.
“Ата” сијаси блокунун намизәди Синан Оған 5,17% сәс јығыб.
О, тәрәфдарларыны мајын 28-дә сечкиләрин 2-ҹи турунда һазыркы президент Рәҹәб Тајјиб Әрдоғана сәс вермәјә чағырыб.
Бу арада Әрдоған “АТА Иттифагы”нын президент сечкиләриндә намизәди олмуш Синан Оғанын ону икинҹи турда дәстәкләҹәјинә даир ачыгламасына мүнасибәт билдириб.
О, С.Оғанын вә милләтин дәстәји илә икинҹи туру газанаҹағына инандығыны вурғулыајыб.
342/