Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Ајәтуллаһул-үзма Сејјид Әли Систанинин нүмајәндәси тәрәфиндән 3.1.2020 тарихдә, Кәрбәла ҹүмә намазы хүтбәсиндә гираәт едилән бәјанат:
Һадисәләр сүрәтлә ардыҹыл олараг баш верир, бөһранлар артмагдадыр. Әл-Гаим шәһәриндә Ираг һәрби гүввәләринин базасына ҹинајәткарҹасына тәҹавүзүн нәтиҹәсиндә онларла дөјүшчү өвладларымызын шәһид вә јараланмасындан тутмуш, өтән ҝүнләрдә Бағдадда тәәссүф едиләси баш вермиш һадисәләрә шаһид олдуг.
▪Сонда исә Бағдад јахынлыгында олан Бејнәлхалг аеропортда вәһшиҹәсинә һәмләнин нәтиҹәсиндә ИШИД террорчуларына гаршы галиб ҝәлән бир сыра гәһрәманларын шәһадәти баш верди.
▪Бу һәмлә Ираг өлкәсинин суверенлији вә бејнәлхалг низамнамәнин ачыг шәкилдә позулмасы демәкдир. Бу вә диҝәр баш верән һадисәләр өлкәнин чох чәтин бир вәзијјәтлә үзләшмысинә ҹидди хәбәрдарлыгдыр.
Бу јолла әлагәдар тәрәфләри тәмкинли олмаға вә ағыллы давранмаға дәвәт едирик.
Әлләримизи дуа үчүн уҹа Аллаһын дәрҝаһына галдырыб Ондан истәјирик ки, Иран вә Ирагы дүшмәнләрин вә Аллаһдан үз чевирәнләрин шәриндән узаг етсин.
Илаһи гәлбләр сәнә үз тутмуш, бөјунлар сәнә сары јүксәлмиш, ҝөзләр дәрҝаһына дикилмиш, гәдәмләр дәрҝаһына сары атылмыш, бәдәнләр зәифләмишдир.
Илаһи дүшмәнин ҝизли кини ашкар олмуш, кин газанлары ҹуша ҝәлмишдир.
Илаһи, динимиздә тәфригәјә дүшмәкдән, дүшмәнимизин чох вә сајымызын аз олмасындан сәнә шикајәт едирик. Еј рәһимлиләрин ән рәһимлиси, еј Рәббимиз бизә гуртулуш, көмәк вә гәләбә вер! Аминә ја рәббәл-аләмин.
Диггәт: Хәбәрдән истифадә етдикдә мәнбәјә истинад лазымдыр!
