АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Азәрбайҹан Ислам Партийасы билдириб ки, Азәрбайҹан Республикасында елан олунмуш нөвбәдәнкәнар парламент сечкиләри һакимиййәтин ҝөзләнилмәз гәрарыдыр: "Белә бир аддымын атылаҹағына даир индийәдәк һаким партийанын парламентдәки үзвләри тәрәфиндән әкс аргументләр дәфәләрлә сәсләндирилмишди.
Әслиндә ганунвериҹи һакимиййәтә сечки ҝүнүнүн бу гәдәр тәләсик вә йахын вахта тәйин едилмәси диҝәр сийаси партийаларын белә бир ҹидди сийаси мүбаризәйә гошулмаг имканларынын вә заманынын мәһдудлашдырылмасындан башга бир шейә хидмәт етмәдийи ҝүман едилир.
Һаким партийа нөвбәдәнкәнар сечкиләри өлкәдә апарылан ислаһатларла бағламаға чалышса да, буну нисбәтән тәсдиг едән һал кими нә сечки ганинвериҹилийиндә, нә дә мәнтәгә, даирә вә Мәркәзи Сечки Комиссийаларынын тәркибиндә мүһүм зәрури һесаб едилән дәйишикликләрин шаһиди олуруг.
Белә бир негатив сечки мүһитинин горунуб сахланмасы һесаб едирик ки, әввәлки ганунсузлугларын, намизәдләр үчүн бәрабәр шәраитин йарадылмамасынын, бир сыра сахтакарлыгларын тәкрарланмасына ҝәтириб чыхараҹаг.
Азәрбайҹан Ислам Партийасы иштирак етдийи әввәлки сечкиләрдә баш верәнләри гиймәтләндирәрәк нөвбәдәнкәнар парламент сечкисиндә обйективлийә етимадын олмадығы тәгдирдә, парламентдә өлкә иҹтимаиййәти, хүсусән дини ҹамеә үчүн вә ҹәмиййәтдә баш верән милли-мәнәви ашынманын, онун төрәтдийи фәсадларын, һиҹаблы ханымларын фундаментал һүгугларынын кобудҹасына позулмасынын гаршысыны алмаг үчүн Милли Мәслисдә тәмсил олунмағын вә зәрури тәләб-тәклифләрин сәсләндирилмәсинә бөйүк мараг вә еһтийаҹын олмасына бахмайараг, сийаси гурум тәрәфиндән намизәдләрин ирәли сүрүлмәсини мәгсәдәуйғун һесаб етмир.”
.........
340
16 dekabr 2019 - 11:49
Xəbər kodu: 994286
Азәрбайҹан Ислам Партийасы Идарә Һейәтинин ҝениш топлантысы кечирилиб. Гурум топлантыда өлкәдә елан олунмуш нөвбәдәнкәнар парламент сечкиләринә илә әлагәдар гәрарыны елан едиб, сечкиләрә гатылмағы мәгсәдәуйғун һесаб етмәйиб.
