АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранын хариҹи ишләр назири Мәһәммәд Ҹавад Зәриф чәршәнбә ахшамы ҝүнү ҝеҹә Ҹеневрәдә Түркийәнин хариҹи ишләр назири Мөвлуд Чавушоғлу вә Русийа хариҹи ишләр назири Серҝей Лавровла бирҝә мәтбуат конфрансында гейд едиб ки, Русийа вә Иран Сурийа һөкумәтинин дәвәти илә Сурийада иштирак едир.
Зәриф америкалы гүввәләрин Сурийадакы нефт йатагларыны горумаг бәһанәси илә бу өлкәдә олмалары барәдә кинайәли тәрздә сөйләйиб: Америка президенти Доналд Трамп һеч олмаса, бу өлкәнин һәдәфләринә садигдир.
Иранын хариҹи ишләр назири һәмчинин Сурийа әсас ганун комитәсинин йарадылмасынын чәтин бир просесин башланғыҹы олдуғуну сөйләйиб. Зәриф билдириб ки, әсас ганун комитәсинә хариҹи мүдахилә вә тәзйиг едилмәмәли вә бу комитә йалныз сурийалылара аид олмалы вә онларын тәрәфиндән идарә едилмәлидир.
Русийа хариҹи ишләр назири Серҝей Лавров да Сурийа бөһранынын сийаси һәллини вурғулайыб. О, дейиб: Сурийанын йени конститусийа комитәсинин йарадылмасы бу өлкә халгы үчүн бөйүк бир гәләбә вә наилиййәтдир.
Түркийәнин хариҹи ишләр назири Мөвлуд Чавушоғлу да Анкаранын Сурийанын әрази бүтөвлүйү вә суверенлийини горумаг барәдәки өһдәлийини вурғулайыб. Билдириб ки, сурийалы дидәрҝинләрин ҝери дөнмәләри олдугҹа өнәмлидир.
Сурийа әсас ганун комитәсинин илк иҹласы бу ҝүн Исвечрәнин Ҹеневрә шәһәриндә кечириләҹәк.
.........
340
