АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һосейн Таеб Сепаһ команданларынын Теһранда кечирилән 23-ҹү баш ассамблейасында сөйләйиб: Бу планда гәрара алынмышды ки, муздур террор дәстәси 2019-ҹу илин февралында Ирана дахил олараг, өлкәнин ҹәнубунда йерләшән Керман вилайәтиндә ҝенерал-майор Солейманинин мәрһум атасынын һүсейниййәсинин кәнарында бир мәканы сатын алсын.
Таеб әлавә едиб: Террорчулар гәрар үзрә өнҹәдән тәйин олунмуш мәканда йерләшәрәк, 350-500 кило партлайыҹы маддә әлдә етмәли вә канал йаратмаг йолу илә ону һүсейниййәнин алтында йерләшдирмәли идиләр ки, һәр илин Тасуа вә Ашура ҝүнләриндә олдуғу кими ҝенерал-майор Солеймани бу һүсейниййәйә ҝәлән кими ону партлатсынлар.
Ислам Ингилабы Кешикчиләри Корпусу- Сепаһ-ын тәһлүкәсизлик тәшкилатынын рәиси әлавә едиб: Террорчулар һәтта бөйүк хәрҹләрлә ҝәлиб, әмәлиййаты һәйата кечирмәкдән өтрү Иранын дахилинә ҝөндәрилмәк үчүн Ирандан гоншу өлкәләрә тәлим ҝөрмәйә ҝедән заман Сепаһ-ын нәзарәти алтында идиләр.
Таеб дейиб: Дәгиг вә сайыгҹасына кәшфиййат иши вә Сепаһ-ын баш команданынын ҝөстәриши илә Тасуа вә Ашура ҝүнләриндән өнҹә бу үч нәфәрлик банда һәбс едилди вә белә бир ҹинайәти төрәтмәк үчүн ибри-әрәби хидмәтләрин нечәиллик фитнә вә планлары зәрәрсизләшдириләрәк, мәғлубиййәтә уғрадылды.
.........
340
