АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әмроллаһ Салеһ дүнән ҝеҹә Кабилдә кечирдийи мәтбуат конфрансында билдириб ки, президент сечкиләри нәтиҹәләринин елан олунмасы мәсулиййәти Әфганыстан мүстәгил сечки комиссийасынын үзәринә дүшүр.
О, үстүөртүлү шәкилдә Әшрәф Гәнини сечкиләрин галиби адландырыб, амма ейни заманда дейибдир ки, сечки командалары Әфганыстан халгынын ирадәсинә һөрмәт едәрәк, гануна тәслим олмалыдырлар.
Бундан өнҹә “Сабитлик вә интеграсийа” командасынын рәһбәри Абдуллаһ Абдуллаһ өз командасыны сечкиләрин галиби елан едәрәк, демишди ки, бу команда ҝәләҹәк һөкумәти тәшкил едәҹәк.
О, рәгибинин командасыны мүтәшәккил сахтакарлыгда иттиһам едиб вә сечки шикайәтләринә бахылмасы үзрә комиссийадан истәйибдир ки, онларын сәнәдли шикайәтләринә бахсын.
Абдуллаһ Абдуллаһ нәтиҹәләрин сечки комиссийасы тәрәфиндән елан олунмасыны ҝөзләйәҹийини десә дә, билдирибдир ки, онун командасы һөкумәтин тәшкили үчүн лазыми сәси әлдә едибдир.
Әфганыстан сечки комиссийасы да билдирибдир ки, һеч бир командайа нәтиҹәләрин елан олунмасындан өнҹә мүһакимә йүрүтмәк вә өзүнү галиб елан етмәк иҹазәси верилмир.
4-ҹү Әфганыстан президент сечкиләри шәнбә ҝүнү 13 намизәдин, о ҹүмләдән Әшрәф Гәни вә Абдуллаһ Абдуллаһын рәгабәти илә 4756 сечки мәнтәгәсиндә кечирилиб.
Әфганыстан мүстәгил сечки комиссийасы билдириб ки, президент сечкиләринин илкин нәтиҹәләри октйабрын 19-да, йекун нәтиҹәләри исә нойабрын 7-дә елан олунаҹагдыр.
........
340
