АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәсән Руһани бу ҝүн Анкарада Иран, Түркийә вә Русийа президентләринин бешинҹи үчтәрәфли саммити чәрчивәсиндә Түркийә президенти Рәҹәб Таййыб Әрдоғанла ҝөрүшдә билдириб ки, ики өлкә мүхтәлиф шәраитдә бир-биринин кәнарында дурубдур. О, дейиб: Иран вә Түркийә проблемләрә рәғмән, өзләринин һәртәрәфли игтисади әлагәләрини давам етдирәҹәкләр.
Иран Ислам Республикасынын президенти һәмчинин билдириб ки, Фарс Көрфәзи бөлҝәси, Оман дәнизи вә Һөрмүз боғазынын су йолларынын тәһлүкәсизлийинин горунмасы даим ән бөйүк саһил өлкәси кими Иран үчүн диггәт мәркәзиндә дурубдур. О, дейиб ки, Иран өзүнү бөлҝәнин су йолларынын тәһлүкәсизлийинин тәмин едилмәсинә борҹлу билир.
Түркийә президенти Рәҹәб Таййыб Әрдоған да бу ҝөрүшдә достҹасына, гардашҹасына вә инкишаф етмәкдә олан Теһран-Анкара мүнасибәтләринә тохунуб.
Дейиб ки, ики өлкә арасындакы тиҹарәт әмәкдашлығы милли пуллардан истифадә илә нәзәрәчарпаҹаг инкишафа малик олуб вә бу просес давам едәҹәк.
Әрдоған АБШ-ын Ирана гаршы санксийаларынын гейри-конструктив олдуғуну билдириб. Вурғулайыб ки, Иран вә Түркийә чәтин ҝүнләрдә бир-бириләринин кәнарында дайаныблар вә бундан сонра да дайанаҹаглар.
.......
340
