Ehlibeyt (as) Haber Ajansı ABNA - Иранын дахили ишләр назири Әбдурреза Рәһмани Фәзли дүнән Теһранда Ирагын дахили ишләр назири Јасин әл-Јасири илә ҝөрүшдә ики өлкә арасында сәрһәд әмәкдашлыглары барәдә анлашма сәнәдинин имзаланмасына ишарә едәрәк, дейиб ки, ики өлкә полиси арасында һәмкарлыгларын ҝенишләндирилмәси вә Имам Һусәйн(ә) әрбәини мәрасиминин кечирилмәсиндә тәһлүкәсизлийин бәргәрары кими мүхтәлиф мөвзулар йени әмәкдашлыг меморандумунун маддәләриндәндир.
Рәһмани Фәзли үмидварлыг едиб ки, мүштәрәк сәрһәдләрин тәһлүкәсизлийи саһәсиндә Иран-Ираг һәмкарлыгларынын ҝенишләндирилмәси барәдә меморандум Теһран-Бағдад мүнасибәтләринин ҝүҹләндирилмәси истигамәтиндә атылан ири аддым олаҹаг.
Јасин әл-Јасири дә дейиб: Ики тәрәф арасында имзаланмыш анлашма сәнәди вә йени тәдбирләр илә Имам Һусәйн(ә) әрбәининин иранлы зәвварларынын Ирага ҝедиш-ҝәлиши асанлашаҹагдыр.
Ирагын дахили ишләр назири билдириб ки, Иран илә Ираг арасында мүштәрәк сәрһәдләрин тәһлүкәсизлийинин бәргәрары үзрә анлашма сәнәдинә әсасән, Хосрәви сәрһәди ачыгдыр вә онун визасы ҝөтүрүлүбдүр. О, әлавә едиб: Иранлы зәвварларын ҝириш-чыхышлары вә онларын тәһлүкәсизликләринин тәмини үчүн лазым олан бүтүн тәдбирләр нәзәрдә тутулубдур.
Ираглы мәнбәләрин рәсми статистикаларына ҝөрә, өтәнилки Әрбәин зийарәти үзрә пийада йүрүшүндә тәгрибән он дөрд милйон зәввар иштирак едибдир ки, онларын ики милйон нәфәрдән чоху Ирандан олубдур.
.......
340
