(ABNA24.com) Отуз ил бундан өнҹә белә бир ҝүндә Иран Ислам Ингилабынын даһи рәһбәри, Руһуллаһ Мусәви-Хомейни(р.ә.) 87 ил чохсәйли вә йорулмаз һәйатдан сонра ҝөзләрини дүнйайа йумараг, һаггын ҝөрүшүнә ҝетди.
Имам Хомейни(р.ә.) мүстәбид шаһ режими вә Американын Ирандакы мүдахиләләри илә мүбаризәйә 1963-ҹү илдән башлады вә нәһайәт шаһ режими тәрәфиндән Түркийәйә, сонра исә Ирага сүрҝүн едилди.
Имам Хомейни(р.ә.) Ирагда сүрҝүндә олдуғу он үч ил әрзиндә бир чох шаҝирд йетишдирмәкдән әлавә, шаһ режиминин позғун маһиййәтини вә Американын Ирандакы ганунсуз тамаһкарлыгларыны ифша етди. О, айдын бәйанатлар верәрәк, Ислам Ингилабынын зәфәрини тәмин етди.
Мүбаризәнин йүксәлмәси, Имамын Франсайа һиҹрәт етмәси вә сонра Ирана әзәмәтли гайыдышындан сонра 1979-ҹу илдә Иран Ислам Ингилабы сон гәләбәйә чатды.
Ислам Ингилабынын гәләбәсиндән сонра гүдрәтләрин, еләҹә дә ингилабын дахили вә хариҹи дүшмәнләринин фитнәләринә, о ҹүмләдән Ирагын бәәс режиминин Ирана гаршы иҹбари мүһарибәсинә рәғмән, Имам Хомейни(р.ә.) о дөврүн сәрт вә чәтин шәраитиндә мәтанәт вә шүҹаәтлә Иран халгына рәһбәрлик етди.
Бу ҝүн Теһран вахты илә саат 17:30 дәгигәдә бүтүн Ислами Ирандан вә дүнйанын мүхтәлиф өлкәләриндән ҝәлмиш инсанларын ҝениш иштиракы вә Ислам Ингилабынын Бөйүк Рәһбәринин чыхышы илә Имам Хомейни(р.ә.)-ин вәфаты илә бағлы мәрасим о һәзрәтин пак зийарәтҝаһында кечириләҹәк.
.................
300
