Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 13 мај 2019 тарихиндә Белчиканын пајтахты Брүсселдә Бөјүк Британија, Алманија вә Франсанын Хариҹи Ишләр назирләринин Иран Ислам Республикасы илә бағлы фөвгәладә топлантысы кечириләҹәк. Топлантыда Иран Ислам Республикасынын нүвә сазиши илә бағлы гәбул етдији сон гәрар мүзакирә олунаҹаг.
Мәлумата ҝөрә, бу ҝүн ки, топлантыја Гәрб Иттифагынын хариҹи сијасәт вә тәһлүкәсизлик мәсәләләри үзрә али нүмајәндәси Федерика Могерини дә гатылаҹаг.
Хатырладаг ки, Иран Ислам Республикасынын Президенти Һөҹҹәтүл Ислам Һәсән Руһани өтән һәфтә Теһранла "алтылыг" өлкәләри арасындакы анлашмадан данышаркән билдириб ки, нүвә мүгавиләсиндә иштирак едән тәрәфләр 60 ҝүн әрзиндә нефт вә банкчылыг илә бағлы өһдәликләрини јеринә јетирмәсә, рәсми Теһран јенидән "20% Уран" зәнҝинләшдирилмәсинә башлајаҹаг.
Иран Ислам Республикасынын бу аддымындан сонра Авропа өлкәләри нараһат олдугларыны ачыглајыб.
Диггәт: Хәбәрдән истифадә етдикдә мәнбәјә истинад лазымдыр
