Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Дәјәрли алим, АИП сәдри, сијаси мәһбус Мөвсүм Сәмәдов халгымызы тәбрик етди:
Бисмиллаһир Рәһманир Рәһим
“Әзиз мүсәлман Азәрбајҹан халгы, меһрибан гардаш вә баҹылар! Сизләри фәзиләт долу мүбарәк Рамазан ајынин башланмасы вә Аллаһын зијафәт вә рәһмәт долу сүфрәсинә јенидән јетишмәјиниз мүнасибәтилә үрәкдән тәбрик едирәм. Ҝүнаһларын бағышланма ајы Рамазан нөвбәти ҝәлиши илә халгымыза бирлик, Аллаһын рәһмәт долу мәгамларыны ҝәтирәҹәк. Һәр кәсә бу мәгамлардан сәмәрәли фајдаланмасыны, ҝөзәл әмәлләри, нәфсинә гаршы мүбаризә сәјләри илә евинә, елинә, аиләсинә бәрәкәт гапысынын ашылмасына гадир олмағыны диләјирәм.
Рамазан ајы һәгигәтән ајларын ән сечилмиши вә үстүнүдүр. Уҹа Аллаһ бу ајын мәхсуси маһијјәти һаггында белә дејир:”Еј иман ҝәтирәнләр! Сиздән әввәлкиләрә ваҹиб едилдији кими, сизә дә оруҹ тутмаг ваҹиб едилди ки, бәлкә пис әмәлләрдән чәкинәсиниз”.(әл-Бәгәрә, 183). Рамазан ајынын даһа мүһүм үстүнлүјү һаггында исә белә бујурур:”Инсанлара доғру јолу ҝөстәрән, бу јолун вә һаггы батилдән ајырд едәнин ачыг-ајдыр дәлилләри олан Гуран рамазан ајында назил едилмишдир. Сизләрдән бу аја чатан шәхсләр һәмин ајы оруҹ тутмалыдырлар”. (әл-Бәгәрә, 185).
Һазыркы бәшәријјәт ҹидди нараһатлыг дөврүнү јашајыр. Хүсусән Ислам дүнјасына, һәгиги Исламсевәрләрә, динимизин бел сүтуну олан Әһли-Бејт(ә.с)-а, ону севәнләрә һагсызлыглар едилир, торпагларына тәҹавүзләр һәјата кечирилир. Алимләримизә вә руһаниләрә тәзјиг, тәһдид сијасәти апарылыр. Һәмчинин Азәрбајҹанын мүгәддәс мүсәлман торпаглары ермәни тәҹавүзү алтында он илләрдир ки, инләјир, истисмар олунур. Дахилдә дүшмән овуна чыхан бәзи сәлаһијјәт саһибләри дүшүнүлмәмиш әмәлләри илә дүшмән дәјирманына су төкүрләр, ону севиндирирләр.
Мәһз мүбарәк Рамазан ајынын ән бөјүк тәсир ҝүҹү дә һәр кәсә иман дәрәҹәсини артырмағы, һаггы батилдән ајырд етмәји тәлгин едир, халгы бир јумруг ајтында бирләшмәјә, бунунла да үмуми дүшмәнә галиб ҝәлмәјә сәсләјир. Арзу едурәм ки, бу әзиз ҝүнләрдә Аллаһ һәр кәсә ҝүнаһ әмәлләрдән чәкинмәк ирадәси бәхш етсин, Аллаһын бу зијафәт сүфрәсинә сығынанларын ҝүнаһларыны бағышласын, һаггы позуланларын һаггыны өзүнә гајтарсын.”
Диггәт: Хәбәрдән истифадә етдикдә мәнбәјә истинад лазымдыр
