Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, дүнән ҹүмә ҝүнү илә әлагәдар Гәззада кечирилмиш нөвбәти Бөјүк Гајыдыш јүрүшү ишғалчы Исраил орду гүввәләринин һүҹумундан сығорталана билмәјиб.
Гәззанын блокада сәрһәдинин гаршы тәрәфиндән мөвге тутмуш ишғалчы орду динҹ нүмајишчиләри ҝүлләбаран едиб, чохлу сајда ҝөзјашардыҹы газ бомбалары тәтбиг едиб.
Нәтиҹәдә 15 јашлы Мәјсәра Әбу Шәллуф адлы јенијетмә һәлак олуб, 66 нәфәр исә јараланыб. Фәләстинин Гәззадакы Сәһијјә Назирлијинин јајдығы мәлумата ҝөрә, јаралыларын арасында бир тибб ишчиси дә вар.
Билдирәк ки, сајҹа 54-ҹү Бөјүк Гајыдыш јүрүшүндә јүзләрлә Гәзза сакини иштирак едиб. 2018-ҹи илин 30 мартындан башламыш бу јүрүшләр Гәззаја гаршы 13 илдир давам едән блокаданын ләғвини вә гачгынларын өз јурдларына ҝери гајытмаг һүгугларыны тәләб едир.
Лакин ишғалчы Исраил ордусунун тәтбиг етдији һәрби ҝүҹ нәтиҹәсиндә буҝүнәдәк бу јүрүшләрдә 282 фәләстинли һәлак олуб, 31 мин нәфәр јараланыб. Онлардан 500 нәфәринин вәзијјәти һәлә дә ағыр олараг галыр.
Диггәт: Хәбәрдән истифадә етдикдә мәнбәјә истинад лазымдыр
