Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ҝүн Ливан Һизбуллаһы Мүгавимәт Тәшкилатынын Баш Катиби Һөҹҹәтүл Ислам вәл-Мүслимин Сејјид Һәсән Нәсруллаһ һәзрәт Әбүлфәзлил Әббасын доғум ҝүнүнүн илдөнүмүндә, Ветеранлар Ҝүнүндә Бејрутда "Ветеранларымыз гәләбә мәшәлләридирләр" ады алтында кечирилән мәрасимдә чыхыш едиб.
Ливан Һизбуллаһынын баш катиби чыхышында дејиб: Һагг вә батил арасындакы савашда, мүгәддәс дәјәрләри мүдафиә етмәк мәсәләсиндә битәрәф олмаг мәнасыздыр. Һәзрәт Аббас (әлејһи сәлам) да битәрәф мөвге тутмады. Гардашынын (Имам Һүсејнин (әлејһи сәлам)) тәрәфин сахлады. Алдығы јаралар сәбәб олмады һәзрәт Аббас тутдуғу мөвгедән кәнара чәкилсин. Бу киши вә онун командири бизим ветеранларымызын үлҝүсүдүрләр. Буна ҝөрә дә, һәзрәт Әбүлфәз Аббасын доғум ҝүнү ветеранлар ҝүнү кими гејд едилир.
"АБШ әсил террорчудур, террорчулуғун өзәјидир, маһијјәтидир. АБШ терроризимә тәкҹә дәстәк вермир. Әксинә Америка дөвләти террорчу дөвләт вә террорчу бејинли бир режимдир ки, бүтүн аддымлары террор үзәриндә гурулуб. Бунун ән бариз нүмунәси Һерошима вә Навасаки сојгырымындан тумуш бу ҝүнкү ҝүнүмүзә кими давам едән сијасәтләр вә әмәлијјатлардыр."-дејә Сејјид Һәсән Нәсруллаһ билдириб.
Сејјид Һәсән Нәсруллаһ дејиб: "АБШ-ын Сепаһ вә Һизбуллаһын адыны террорчу груплар сијаһысына дахил етмәси бизим зәифлијимизин ҝөстәриҹиси дејилдир. Әксинә, бу бизим ҝүҹлү олдуғумузун бариз нүмунәсидир."
О, даһа сонра вурғулајыб: "Америка сионист режимин мәнафеләрини горумагдан өтрү бүтүн ислам Үммәтинин һүгугларыны ашкарҹасына позараг бүтүн һәрби, сијаси, лоҝистик дәстәкләрини бу ишғалчы режимин ихтијарында гојур. Бүнүн мүгабилиндә өз вәтәнинин вә мүгәддәс дәјәрләринин уғрунда мүдафиәјә галхан Мүгавимәт гүввәләрини исә, террорчу адландырыр."
Сејид Һәсән Нәсруллаһ даһа сонра деди: "АБШ президенти Доналд Трампын Сепаһ-ын адыны террорчу груплар сијаһысына дахил етмәси бу өлкәнин реҝиондакы уғурсузлуглардан наүмид олмасынын нәтиҹәсидир. Биз АБШ-ын бу гәрарыны гынајыр вә тәнгид едирик. Вә Иран Ислам Ингилабы Кешикчиләри Корпусу Сепаһ-ы һимајә етдијимизи билдиририк. Сепаһ реҝион халгларынын мүдафиәсиндә бөјүк мүҹаһидәтләр едиб вә бу јола чохлу сајда шәһид вә јаралы вериб."
Диггәт: Хәбәрдән истифадә етдикдә мәнбәјә истинад лазымдыр
