Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасы Милли Тәһлүкәсизлик Али Шурасы Гәрби Асијадакы АБШ һәрби гүввәләрини вә онун табелијиндә олан бүтүн гүввәләри "террорчу груп" кими тәгдим едиб.
Иран Ислам Республикасы Милли Тәһлүкәсизлик Али Шурасы бу ҝүн бир бәјанатда Американын Ислам Ингилабы Кешикчиләри Корпусу- Сепаһ-ы террор тәшкилатлары сијаһысына салмаг кими ганунсуз вә тәһлүкәли һәрәкәтини писләјәрәк, билдириб: Иран Американы "терроризмә дәстәк верән һөкумәт" вә Гәрби Асијадакы АБШ һәрби гүввәләрини вә онун табелијиндә олан бүтүн гүввәләри "террорчу груп" һесаб едир.
Бәјанатда сонра дејилир: Ислам Ингилабы Кешикчиләри Корпусу- Сепаһ, даима Гәрби Асија бөлҝәсиндә террорчуларын вә екстремист групларын һимајәдары олмуш Американын вә онун реҝионал мүттәфигләринин әксинә олараг, ардыҹыл шәкилдә реҝионда терроризм вә екстремизм илә мүбаризәнин өн хәттиндә олуб вә бу ингилабчы гүввәнин Әлгаидә, ИШИД, Әннусрә вә саир террор груплары илә мүбаризәдәки ролу зәрәрчәкмиш халглар вә һөкумәтләр тәрәфиндән даим јүксәк дәјәрләндириибдир.
Иран Ислам Республикасы Милли Тәһлүкәсизлик Али Шурасы бу бәјанатда Американын бу авантүрист һәрәкәтин нәтиҹәләриндә мәсулијјәт дашыдығыны вурғулајараг, билдириб: Американын Ислам Ингилабы Кешикчиләри Корпусу- Сепаһ-ы террор тәшкилатлары сијаһысына салмаг үзрә һәрәкәти реҝионал вә бејнәлхалг сүлһ вә тәһлүкәсизлик үчүн башлыҹа тәһлүкә, еләҹә дә БМТ Низамнамәси вә бејнәлхалг һүгуг нормаларынын ашкар шәкилдә позулмасы сајылыр.
Диггәт: Хәбәрдән истифадә етдикдә мәнбәјә истинад лазымдыр
