Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ливанын хариҹи ишләр назири Ҹибран Басил Ливанда сәфәрдә олан Авропа Иттифагынын (АИ) хариҹи сијасәт вә тәһлүкәсизлик ишләри үзрә али комиссары Федерика Могһерини илә пајтахт Бејрутда ҝөрүшүб.
Ҝөрүшдән сонра кечирилән бирҝә мәтбуат конфрансында данышан Басил Инҝилтәрә тәрәфиндән Ливанын Һизбуллаһ һәрәкатыны бүтөвлүкдә террор тәшкилатлары сијаһысына салмасына мүнасибәтини билдириб
О, дејиб: “Бүтүн дүнја чыхыб мүгавимәти (Һизбуллаһ) террор кими сәҹијјәләндирсә дә, ливанлылар үчүн террор тәшкилаты дејил. Ишғал алтында торпаглар олдуғу мүддәтәҹән мүгавимәт, дөвләт гурумлары вә Ливан халгы тәрәфиндән гуҹагланмаға давам едәҹәк”.
Могһерини дә Бөјүк Британијанын Һизбуллаһ барәдә гәрарынын өзүнүн мүстәгил мәсәләси олдуғуну вә АИ-нин Һизбуллаһла бағлы мөвгејинә тәсир етмәјәҹәјини гејд едиб.
Диггәт: Хәбәрдән истифадә етдикдә мәнбәјә истинад лазымдыр
