Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Америкада мүәллимләрин әмәк һагларынын ашағы олмасы мүәллимләрин наразылығына сәбәб олуб.
Белә ки, АБШ-ын Колорадо Штатынын мәркәзи олан Денвер шәһәриндә мүәллимләр әмәк һагларынын артырылмасына даир мүзакирәләрин нәтиҹәсиз баша чатмасынын ардынҹа јенидән тәтил аксијасына башлајыблар.
Асошејтед Пресс-әин билдирдијинә ҝөрә, Денвер шәһәринин тәһсил мәсәләләри үзрә мәсул шәхсләри мүәллимләрин тәтил аксијасына башламасы хәбәрини тәсдиг едәрәк, буна бахмајараг, мәктәбләрин өз ишини давам етдирәҹәјини вә тәһсил секторунда чалышан диҝәр ишчиләр һесабына дәрсләрин давам едәҹәјини билдирибләр.
Бунунла јанашы јерли рәсмиләр кифајәт гәдәр мүәллим вә ишчинин олмамасына ҝөрә, 5 мин ушағын тәһсил алдығы мәктәбәгәдәр тәһсил оҹагларынын фәалијјәтини дајандырыблар.
Тајм журналыын јаздығына ҝөрә, Америкада бәзи мүәллимләр коммунал хәрҹләри өдәмәк үчүн ганларыны сатмаға мәҹбурдурлар.
Хатырладаг ки, АБШ-ын бир чох штатларында о ҹүмләдән Гәрби Вирҹинија, Кентаки, Оклаһома вә Аризона штатларында 2018-ҹи илдә мүәллимләр әмәк һагларынын ашағы олмасына ҝөрә дәфәләрлә аксија кечирибләр.
Диггәт: Хәбәрдән истифадә етдикдә мәнбәјә истинад лазымдыр
