Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ПрессТВ-нин апарыҹысы Мәрзијә Һашими Америкада һәбсдә азад едилмәсиндән ики ҝүн сонра Раша Тудеј телеканалына вердији мүсаһибәдә АБШ-ын Федерал Тәһгигатлар Бүросунун әмәкдашларынын онунла бир гул кими рәфтар етдикләрини дејиб.
ИРИБ-нин мәлуматына ҝөрә, Мәрзијә Һашими ҹүмә ҝүнү ФТБ әмәкдашларынын онун һүгугларына һөрмәт етмәдикләрини дејәрәк, һәбсдә олдуғу мүддәт әрзиндә илкин һүгугларындан белә мәһрум едилдијини билдириб.
Мәрзијә Һашими һәбсдә олдуғу мүддәт әрзиндә дәфәләрлә фотошәклинин чәкилдији вә ондан ДНА нүмунәләри ҝөтүрүлдүјүнү дејиб.
АБШ полиси тәрәфиндән һеч бир сәбәб олмадан һәбс едилән М.Һашими 11 ҝүн һәбсдә сахланылдыгдан сонра чәршәнбә ҝүнү сәрбәст бурахылыб.
ПрессТВ-нин әслән америкалы олан апарыҹысы, журналист Мәрзијә Һашими аиләси илә ҝөрүшмәк үчүн АБШ-а сәфәр етмишди. О, 13 јанварда Сент Луис һава лиманында һеч бир сәбәб ҝөстәрилмәдән һәбс едилмиш вә ФТБ-нин Вашингтондакы тәҹридханасына көчүрүлмүшдү.
Диггәт: Хәбәрдән истифадә етдикдә мәнбәјә истинад лазымдыр
