Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Американын “Фарен Палиси”( Фореиҝн Полиҹј) адлы рүблүк журналы Иран Ислам Ингилабы Кешикчиләри Корпусу- Сепаһ-ын Гүдс гүввәләринин команданыны дүнјада мүдафиә саһәси үзрә он үстүн мүтәфәккирдән бири кими тәгдим едибдир.
“Фарен Палиси”нин һәр ил дүнјанын јүз үстүн мүтәфәккиринин тәгдиматы үзрә јајдығы хүсуси бурахылышда Ислам Ингилабы Кешикчиләри Корпусу- Сепаһ-ын Гүдс гүввәләринин команданы ҝенерал Гасем Сүлејмани мүдафиә-тәһлүкәсизлик саһәсинин он үстүн мүтәфәккири сијаһысында јер алыбдыр.
Хариҹи сијасәт үзрә бу мөтәбәр журнал ҝенерал Сүјеманини белә тәгдим едиб: О, Америка президенти Доналд Трампын тәһдидләринә ачыг шәкилдә ҹаваб вермиш бир симадыр.
“Фарен Палиси” ҝенерал Сүлејманинин сон заманлар Трампа хитабән дедији сөзләрә ишарә едиб: Сизә дејирәм ки, биләсиниз, фикирләшмәдијиниз јердә биз сизин јахынлығыныздајыг.
“Фарен Палиси” 2018-ҹи илдә дүнјанын мүдафиә саһәси үзрә үстүн мүтәфәккирләринин тәгдиматында ҝенерал Сүлејманинин кәнарында Алманијанын мүдафиә назири, Мексиканын дахили ишләр назири, һәмчинин Ефиопија вә Бангладешин баш назирләринин адларыны садалајыбдыр.
Диггәт: Хәбәрдән истифадә етдикдә мәнбәјә истинад лазымдыр
