Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сионист режим ордусунун еһтијатда олан бир ҝенералы Сурија ордусунун мүдафиә ҝүҹү вә һәрби гүдрәтини етираф едибдир.
Сионист режим ордусунун еһтијатда олан ҝенералы Јакоп Амидоур Суријанын Тәл-Әвив һава лиманына гаршы һүҹума даир тәһдидинә реаксијада дејиб ки, Сурија ордусу белә бир һәдәни реаллашдырмаг гүдрәтинә маликдир.
Суријанын БМТ-дәки даими нүмајәндәси Бәшшар әл-Ҹәфәри сионист режимин Дәмәшг бејнәлхалг һава лиманына гаршы сон дүшмәнчилик һүҹумларынын давам етмәсиндән сонра Тәл-Әвив һава лиманынын бомбаланмасы еһтималыны ирәли сүрүбдүр.
Сионист режим гырыҹылары базар ертәси ҝүнү сәһәр тездән Суријанын пајтахты Дәмәшгә һүҹум етдиләр.
Сурија медиаларынын мәлуматларына ҝөрә, бу өлкәнин һава һүҹумундан мүдафиә гүввәләри сионист режим гырыҹылары тәрәфиндән атылмыш бир нечә ракети изләјәрәк, мәһв едибләр.
Сионист режим бејнәлхалг ганунлара зидд олараг, тәкҹә бу илин јанварында үч дәфә Сурија әразисинә һүҹум едибдир.
Диггәт: Хәбәрдән истифадә етдикдә мәнбәјә истинад лазымдыр
