Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Арашдырмачы профессор, кечмиш "КГБ" полковники Рөвшән Новрузоғлунун ҝизли хариҹи архивләрдәки мәнбәләр әсасында һазырланмыш "Өлүм һүҹејрәләри вә ја ҝенетик өлүм..." адлы тәдгигат әсәринин бу дәфә сизә тәгдим едәҹәјимиз бөлүмүндә ҝөстәрилән илҝинҹ фактлар бир даһа ҝөстәрир ки, 1948-1953 вә 1988-1989-ҹу илләрдә сојдашларымызын Гәрби Азәрбајҹандан зоракылыгла депортасија олунмасы, еләҹә дә 1991-1994-ҹү илләрдә Гарабағын ишғалынын архасында јалныз дашнак әгидәли ермәниләрин "Бөјүк Ермәнистан" идеолоҝијасы вә мүсәлманлара гаршы нифрәти дајанмыр.
Бурада англосакс вә сионистләр тәрәфиндән "ССРИ" гылафына бүрүдүлмүш Русија вә "демократија" маскасы ҝејдирилмиш Британија, АБШ, Франса вә с. Гәрб империјаларынын бүтөв бир халгын фаҹиәләри һесабына апардыглары ҝенетик експериментләр вә үмумијјәтлә, ҝәләҹәк ҝүҹүндән, бирлијиндән еһтијат етдикләри Азәрбајҹан халгынын сырадан чыхармаг мәгсәдләри дә дајаныр...
Бәндәниз һәлә 1990-ҹы илләрин орталарында Гарабағын ишғалы һагдакы јазыларында да ҝөстәриб ки, бу просеси әслиндә сырф ишғал дејил, Кремлин һәрби зор ҝүҹүнә депортасијасы да һесаб етмәк олар. Одур ки, 1988-1994-ҹү илләрдә торпагарымызын де-факто итирилмәсиндә әсас ролу "СРУ", "Ми-6" вә с. кәшфијјатларла әлбир олан кечмиш ССРИ "ГРУ"-су вә "КГБ"-синин аҝентура шәбәкәләри вә онларын Азәрбајҹандакы азадлыг вә мүстәгилик јох, әслиндә "һакимијјәт ашигләри" олан садиг "инвентар" нөкәр вә төр-төкүнтүләри ојнајыб.
Нә јазыглар ки, һәмин шәбәкәләр бу ҝүн дә өлкәмизә вә халгымыза гаршы манипулјасијалар, тәхрибатлар вә с. илә мүшајиәт олунан ҝенишмигјаслы фәалијјәтәрини давам етдирир. Вә нә гәдәр ки, Азәрбајҹанда "КГБ"-нин ҝизли архивләри үзә чыхарылараг ачылмајыб һәмин хәјанәт шәбәкәсинин һесабына бу халг әсас ики бәладан гуртула билмәјәҹәк. Сөһбәт Гарабағын ишғалдан азад едилмәси вә коррупсијадан ҝедир...
Хатырладаг ки, Рөвшән Новрузоғлунун тезликлә китаб һалында нәшр олунаҹаг сөзүҝедән әсәриндә әсасән ХХ әсрин әввәлләриндән бәри һәм Азәрбајҹаны ишғал алтында сахлајан ССРИ адлы Русија империјасынын, һәм дә Бөјүк Британија, АБШ кими "модерн" импеијаларын хүсуси кәшфијјат гурумларынын Азәрбајҹан халгынын зәнҝин ҝенефонду үзәриндә апардығы вәһши гәтлиам вә зоракылыгларла мүшајиәт олунан амансыз вә гејри-инсани ҝизли тәдгигатларынын үзә чыхардығы ағлаҝәлмәз өзәлликләрдән, еләҹә дә өлкәмизин ајры-ајры сирли мәканларыны сојкөкүмүздә из бурахан гејри-ади хүсусијјәтләриндән бәһс едилир.
Мәлум олур ки, ады чәкилән империјаларла јанашы, әксәр хариҹи дөвләтләр дә Азәрбајҹан инсанынын әсл ҝеномундан горхдуғундан бу халгы һәр васитә илә әзмәјә, мәһв етмәјә чалышыб вә чалышмагдадыр..
"...Дәрәләјәз, Зәнҝәзур, Ирәван вә Ҝәнҹә губернијаларынын мәлум ганлы фаҹиәләриндән чох јазыб. Амма орада баш верән ҝенетик дәјишмәләрдән бир ҹүмлә дә олсун јазы јазылмајыб..."
"Дәрәләјәз, Зәнҝәзур, Дағлыг Гарабағ әразиләриндә бир-биринин ардынҹа 14 дәфә "Мутасија лајиһәси" апарылыб...
1955-ҹи илин октјабрын 28-дән башлајараг рус алимләри Азәрбајҹана "Ҝенетик фаҹиә" ҝәтирмәјә башладылар...
ССРИ Сәһијјә Назирлијинин табелијиндә олан 1 сајлы һәрби госпиталын һәкими, һәрби кәшфијјатын забити М.С.Калининин бунунла бағлы Баш Кәшфијјат Идарәсинә үнванладығы "Мәхфи Арајыш"да гејд едир:
"… Мүдафиә Назирлијинә. Ҝенерал -мајор Б.С.Уткин јолдаша.
Мәлумат үчүн билдирим ки, кәшфијјат ҝенералы, И.И.Макаровун 415 сәһифәлик говлуғуну мән һазырламышам. Говлугдакы материаллар Азәрбајҹанын Дәрәләјәз, Зәнҝәзур, Дағлыг Гарабағ јашајыш мәнтәгәләриндә бизим тәдгигатчы ҝенетик алимләримизин апардыглары ишләри әһатә едир. Тәдгигатчы алимләрин 85 нәфәри ҝизләниб.
Мән онларын чох әһәмијјәт кәсб едән арајышларыны, гејд вә шәрһләри, јазышмалары да говлуға тикмишәм. Һеч бир сәһвә јол вермәмишәм. Әлавә мәлумат үчүн билдирирәм ки, адларыны гејд етдијим бу лајиһәләрин һамысы уғурлу нәтиҹәләр вериб. Мәсәлән, адлары гејд олунмуш әразиләрдә шифрәләнмиш 7,14,28,47,33,89- сајлы ҝенетик кодларын ифлиҹ олунмасы ган һүҹејрәләринин, хромосомларын (?) зәдәләнмәси јеринә јетирилди. Дәрәләјәз вә Зәнҝәзур ҹамаатынын Азәрбајҹана депортасија олунмасыны билирсиниз. Депортасија планларында шәхсән сиз өзүнүз иштирак етмисиниз (Биз ҝенетик кодларын шифрәләрини ачмырыг).
Дағлыг Гарабағ ҹамаатыны исә плана ҝөрә, ХХ әсрин 90-ҹы илләриндә депортасија етмәк нәзәрдә тутулур(Ҝенетик кодларын шифрәләри ејнидир).
Јолдаш ҝенерал! Мәним бу мәктубу јазмагда мәгсәдим вар. Говлугдан 43 сәһифә чыхарылыб. Амма бу, мәним ҝүнаһым дејил. Мәни мүдафиә етмәнизи истәјирәм. Бу гапалы мәктубун јазылмасына сәбәб дә елә бу мәсәләдир.
Ҝенетик лајиһәләр Азәрбајҹанын јашајыш мәнтәгәләриндә һәлә узун мүддәт давам едәҹәк. О вахта гәдәр ки, реҝионда адамлар нә истәдикләрини, нә үчүн, кимин үчүн јашадыгларыны анламаг ҝүҹүндә олмајаҹаг. Бу фаҹиәви әзабдан вә јахуд бәладан һеч кәс (нә варлы, нә касыб) јаха гуртара билмәјәҹәк...
Сәккиз "Мутасија лајиһәси"ндә иштирак етмишәм. Амма бүтүн бунлар сирр олараг галыр. Өлкә рәһбәрлији дәјишиб. Һәр шејә јенидән бахылыр. Лакин Азәрбајҹанла вә онун әразиләриндә јашајан адамларла бағлы мүнасибәтләр дәјишмәјиб. Ҝенетик јердәјишмәләр әввәлки кими давам едир. Итмиш 43 сәһифәјә ҝәлинҹә, о сәһифәләрдә профессор И.С.Глебин, М.Т.Анохинин, С,У,Фурманын Дәрәләјәздә апардыглары (1923-ҹү ил мәлуматлары) елми арашдырмаларын нәтиҹәләри вар иди…
Вахтынызы алдым. Забит Калинин. 1953-ҹү ил. ВЫЫ.22
Сурәти 12-ҹи говлуг үчүн".
Һәрби госпиталын һәкими М.С.Калининин мәктубунун сурәти онун өзүнә мәхсус "12-ҹи говлуғ"а гојулур. Әсас нүсхә исә ҝенерал Б.С.Уткинә тәгдим едилир. О исә бу мәктубу ики нәфәр тәһлүкәсиз забитинин иштиракы илә ачыр вә охујур(Ҝенетик лајиһәләрин иҹрачылары вә арашдырыҹылары үчүн бу јени гајдалардан бири иди.)
"...Ҝенетик лајиһәләрлә бағлы итирилмиш 43 сәһифәлик елми тәдгигатын нәтиҹәләри инҝилис алимләринин әлинә кечиб..."
Арашдырма материалларына ҝөрә, 1955-ҹи ил апрелин 20-дә Лондон Крал Университетинин (?) археологлары Москва Университетинин археологлары илә бирҝә Дәрәләјәзин јашајыш мәнтәгәләриндә ҝөрүнүрләр. Кәшфијјат забити Калинин ҝенерал Уткинә әлавә ҝөндәрдији мәктубда гејд едир:
"… Вахтынызы алырам, јолдаш ҝенерал. Сизә елә ҝәлмирми ки, ҝенетик лајиһәләрлә бағлы итирилмиш 43 сәһифәлик елми тәдгигатын нәтиҹәләри инҝилис алимләринин әлинә кечиб?"
Арашдырма материалларына ҝөрә 1955-ҹи илин мај ајынын 28-дә Кремл мәхфи сәрәнҹамла ҝенерал И.И.Макаровун һазырладығы Говлугла бағлы бүтүн динләмәләри дајандырыр. (Бу говлугда Дәрәләјә, Зәнҝәзур әлавә олараг Ирәван, Ҝәнҹә губернијалары илә бағлы руслара мәхсус "Мутасија лајиһәләринин" нәтиҹәләри горунурду). Чүнки фактики олараг нә Дәрәлјәз вар иди, нә Зәнҝәзур…
Адамларын Азәрбајҹанын әсасән Муған бөлҝәләринә говулмалары, ораларда онлар үчүн јашајыш мәскәнләринин салынмалары вә ора көчүрүлән инсанларын мәскунлашмаларындан сонра епидемијаларын башланмасы… әразиләрдә демографик хүсусијјәтләрин, һәмин јерләрә мәхсус адәт-әнәнә вә давраныш мәсәләләринин позулмасына ҝәтириб чыхартды. Һәр шеј дәјиширди…
"Сојкөкү Зәнҝәзурдан вә Дәрәләјәздән оланларын мәхфи гајдада сијаһылары чыхарылмаға башланды…"
Тарихчиләримиз Дәрәләјәз, Зәнҝәзур, Ирәван вә Ҝәнҹә губернијаларынын мәлум ганлы фаҹиәләриндән чох јазыб. Амма орада баш верән ҝенетик дәјишмәләрдән бир ҹүмлә дә олсун јазы јазылмајыб…
Нәдән бүтүн бунлар баш верди? Дәрәләјәз вә Зәнҝәзур кими иҝидләр вә мәрдләр јурдунун ҝенетикасына зәрбәни кимләр вурду? Нәдән горхдулар ҝөрән? Москва һәлә дә зәнҝәзурлу вә дәрәләјәзли ҝөрәндә тарихә бахмаја билмир… Мәлумата ҝөрә, 1955-ҹи илин ијул сәрәнҹамындан сонра (еһтимал едирәм ки, бу ҝүнәдәк) руслар өз әразиләриндәки сојкөкү Зәнҝәзурдан вә Дәрәләјәздән оланларын мәхфи гајдаларда сијаһыларыны чыхармаға башладылар…
Диггәт: Хәбәрдән истифадә етдикдә мәнбәјә истинад лазымдыр
